U aksidentua nga deputeti shqiptar, familjarët e viktimës nuk kanë të njëjtin qëndrim si ditën e ngjarjes
Familjarët e Seit Sorrës, që u aksidentua për vdekje të shtunën nga deputeti i PDIU, Aqif Rakipi, duket se nuk kanë më të njëjtin qëndrim si ditën e ngjarjes.
Pak ditë pas ngjarjes, tashmë ata e konsiderojnë vetëm si një aksident që mund t’i ndodhë kujtdo dhe shprehen se nuk kanë asgjë kundër deputetit.
Disa orë pas ngjarjes ata shpreheshin të habitur me vendimin për lirimin nga komisariati të personit që i aksidentoi për vdekje të afërmin e tyre, madje duke ngritur edhe dyshime për largimin e tij nga vendi i aksidentit.
Ndërsa dje, pasi kanë biseduar me të afërmit e Rakipit, që u kanë shkuar në shtëpi për ngushëllim, ata shpreheshin se tashmë zbardhjen e ngjarjes ia kanë lënë në dorë drejtësisë.
Djali i viktimës thotë se nuk ka qenë në vendngjarje dhe nuk është ai personi përgjegjës për të treguar se çfarë ka ndodhur.
Ai thotë se do të jetë drejtësia ajo që do të shpjegojë se si ka ndodhur aksidenti dhe për deputetin Aqif Rakipi, nuk ka asgjë kundër as ai, as familja e tij.
Të njëjtën gjë konfirmon edhe vëllai i viktimës, i cili ditën e shtunë shprehej se, njerëzit e Rakipit u kishin dërguar fjalë për të shkuar për ngushëllim, por ende nuk kishte pranuar asgjë.
Duket se tashmë mendimi se nuk ishte thjesht një aksident, por masakër ajo që i kishte ndodhur 54-vjeçarit, nuk qëndron më. Për familjarët e viktimës ishte vetëm një aksident.
DEKLARATAT DITEN E NGJARJES
Dy kushërinj të viktimës, të cilët punonin bashkë me të në tregun agroushqimor, në autostradë, kanë qenë dëshmitarë të ngjarjes ku ndërroi jetë 54- vjeçari, Seit Sorra.
Ndonëse nuk dhanë shumë detaje, pasi siç u shprehën ata të shtunën, po presin që të japë një version zyrtar Policia e Prokuroria, ata konfirmonin se shoferi që shkaktoi aksidentin ishte larguar menjëherë nga vendi i ngjarjes.
“Ne pamë gjithçka sepse aty ishim, po shkonim te tregu. Nuk e aksidentoi Seitin, por e masakroi me makinë. E megjithatë, as nuk e mori mundimin të ndalonte. Madje e shtoi edhe më shumë shpejtësinë, duke u larguar nga vendi i ngjarjes”, u shprehen dëshmitarët ditën e shtunë.
“Po presim çfarë do të vendosë Policia e Prokuroria, pastaj do të flasim. Por është pa logjikë që të lihet i lirë një njeri, i cili i mori jetën një tjetri. Ai vrau një njeri, nuk ishte kafshë vëllai im”, shprehej vëllai i viktimës. /Panorama/
Promo
Reklamo këtuLufta Prigozhin - Putin
Më shumëGjeti trupin e 9-vjeçares në Bunë, peshkatari: Pashë me dritë telefoni, dukej si kukull
Pahor: Kandidatura ime do të paraqitet në Bruksel, do të jem ndërmjetës i ndershëm në dialogun Kosovë-Serbi
DW: Sinjale alarmi nga Ballkani - po përsëritet historia?
Policja që u raportua e zhdukur paraqitet në stacionin e Rahovecit
Deputeti finlandez: Serbia nuk mund t'u imponohet shteteve për të kundërshtuar Kosovën në KiE
Deputeti gjerman, Abraham: Pranimi i Kosovës në Këshillin e Evropës është e vetmja rrugë përpara
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'