Tifozi i futbollit mbledh birra nga secila prej 32 kombëtareve që janë pjesë e Kampionatit Botëror – Nga Panama e Senegali te Arabia Saudite e Irani

Tifozët e futbollit mbledhin postera, fanella dhe gjithçka në lidhje me stadiumin. 

Gus Hully , një tifoz i flaktë i Cheltenham Town, nga Angli, ka grumbulluar një birrë për çdo kombëtare të pranishme në Rusi për Kampionatin Botëror 2018.

Tridhjetë e dy birra të ndryshme , që vijnë nga Panamaja dhe Senegali, nëpërmjet Gjermanisë, Spanjës dhe Uruguait.

Lexo po ashtu Top 10 golat më të bukur në histori të Kampionateve Botërore – Nga Pele e Bergkamp te Maradona, golat që kanë çmendur të gjithë tifozët e futbollit

Gus ka arritur të marrë në duart e veta birra nga vendet ku alkooli është i paligjshëm, si Irani dhe Arabia Saudite.

Ai ka shpenzuar 600 euro, por ka mundur të jetë më shtrenjtë, pasi që birrat i vinin në Paris dhe Barcelonë, por me ndihmën e miqve të tij arriti t’i tubojë.

Gus punon në industrinë e muzikës, por e quan veten të çmendur pas futbollit.

Ai para katër vite kishte bërë përpjekje të njëjtë për Kampionatin e Botëror 2014 në Brazil, por u desh të kënaqet me 23 birra të ndryshme te tubuara.

Lexo po ashtu Njihuni me rebelët e Kampionatit Botëror: Nga mbrojtësi i Francës që e ka të dashur Pamela Andersonin te 39-vjeçari meksikan që u akuzua për trafik droge

Birra e fundit e siguruar nga Gus ishte ajo e Arabisë Saudite, ku arriti ta marr një birrë Hillsburg Regullar (jo-alkolike).

Tani, me 32 birra në frigorifer, ai është gati për Kampionatin Botëror. /Telegrafi/