Njihuni me rebelët e Kampionatit Botëror: Nga mbrojtësi i Francës që e ka të dashur Pamela Andersonin te 39-vjeçari meksikan që u akuzua për trafik droge

Lionel Messi dhe Cristiano Ronaldo mund të jenë yjet më të mëdha që do të paraqitjen në Kampionatin Botëror.

Por ka edhe lojtarë të tjerë që janë të gatshëm që ta thonë fjalën kryesore sa i përket aktivitet jashtë fushës.

Në Kampionatin Botëror do të marrin pjesë 32 skuadra me stafet e tyre dhe me nga 23 lojtarë, ku nuk përjashtohen as rebelët, që mund të bëjë çmenduri.

Daily Mail ka zgjedhur disa nga lojtarët, por edhe trajnerët që janë të veçantë në këtë drejtim.

M’Baye Niang (Senegal)

Sulmuesi i talentuar që dikur luante te Milani në vitin 2014 bëri aksident me veturën e tij Ferrari ku ka të lënduar 11 persona.

Në vitin 2016 kur ishte duke u rikuperuar nga lëndimi ai postoi një video duke kërcyer në pishin.  Sa ishte i ri luante për Francën, ndërsa ishte përjashtuar shkaku se i kishte frekuentuar klubet e natës.

J'suis dans les airs chacal 😜☀️

A post shared by M'Baye Niang Officiel (@mbaye_niang11) on Jun 7, 2016 at 10:35am PDT

Adil Rami (Francë)

Mbrojtësi i Marseilles që është 32 vjeç është në lidhje me Pamela Anderson. Ata nuk e flasin gjuhën e njëjtë dhe janë në lidhje tash e një vjet.

Rami flet pak anglisht, por Anderson që është 18 vite më e madhe e njeh gjuhën e trupit.

Kur Rami ka jetuar në Frejus, ka punuar në komunë, pastrim dhe ka ndihmuar në qytet.

Rafael Marquez (Meksikë)

Ish-mbrojtësi i Barcelonës, tani 39 vjeç, do të marr pjesë në Kampionatin Botëror të pestë me radhë. Emri i tij ka qenë pjesë e listës së zezë të ‘Thesarit Amerikan’ shkaku i investigimit për trafikim droge.

Ai i hodhi poshtë pretendimet. Por në Meksikë ai po akuzohet se bashkë me disa lojtarë të tjerë kanë bërë festë të çmendur me alkool dhe 30 prostituta VIP.

Roman Torres (Panama)

Djali i posterave. Ai gjende kudo, pasi imazhi i tij në Panama është kthyer në normalitet, sepse ai e ndikoi vendin të kualifikohet. Ai gjendet në tabela, autobusët, vetura, apo edhe në reklamat me kartë krediti.

32-vjeçari thotë se ai ‘ndjehet si një yll i filmit’ dhe ka synim, të shënojë në Rusi.

Torres, ka qenë në prova te Nottingham Forest, dhe është afër të lansojë markën e tij të veshjeve.

Essam El-Hadary (Egjipt)

Portieri 45 vjeçar do të bëhet nëse luan lojtari më i vjetër në histori të Kampionateve Botërore.

El-Hadari është djali i një zejtari dhe thuhet se mund të punojë fort bërjen e mobiljeve.

Njihet si njeri që e do shumë futbollin. Ai madje i kishte larë rrobat e shkollës në një lumë, kështu që prindërit e tij nuk do të zbulonin se ai kishte luajtur futboll.

Hannes Halldorsson (Island)

Portieri është regjisor i filmave jashtë fushës. Ai e kishte bërë muzikën e ekipit Kombëtar dhe videon e Eurovision Song 2012.

Ai luan në Norvegji, por ata që e kishin punësuar i kanë premtuar se do t’ia ruajnë vendin.

Paolo Guerrero (Peru)

Ai ishte dënuar për përdorim të kokainës.

Shënuesi më i mirë në histori të Perus, është kthyer në ekip, pasi i është hequr dënimi.

Ai ka frikë nga fluturime, pasi xhaxhai i tij ishte vdekur në vitin 1987 në tragjedinë e Alianza Limas.

Michy Batshuayi (Belgjikë)

Sulmuesi i Chelseat, është bërë personalitet shumë i hapur pasi poston shumë shpesh në rrjetet sociale, me fotografi qesharake ose thjesht duke qeshur.

Batshuayi është një fans i madh i karikaturës SpongeBob SquarePants.

Kur u largua nga Chelsea për tu u bashkua me Borussia Dortmund në janar, ai shkroi: ‘E zezë dhe e verdhë është Batman, e zezë dhe e verdhë është Spongebob!’

Po trajnerët?

Hernan Dario Gomez (Panama)

Hernan Dario Gomez, 62 vjeç, është trajner i Panamasë. Para emërimit të tij me Panamanë, ai kaloi disa kohë si trajner i Kolumbisë mes viteve 2010 dhe 2011.

Pavarësisht se ishte i martuar, ai e rrahu një femër shumë keq në vitin 2011, ku u detyrua të jepte dorëheqje.

10 vjet më parë Gomez u qëllua në kofshë, pasi si trajner nuk e kishte pranuar në ekip  djalin e presidentit ekuadorian Dalo Bucaram, pasi ishte me mbipeshë. Ai për herë të tretë e dërgon një ekip në Kampionatin Botëror.

Oscar Tabarez (Uruguai)

Menaxheri 71-vjeçar mban tani rekordin botëror për më shumë ndeshje të drejtuara si trajner në Botëror. Pasi e udhëhoqi në vitet e 80-ta ai u kthye në vitin 2006.

Ai nga viti 2016 e zbuloi se vuan nga sindromi Guillain-Barre (një sëmundje që dobëson dhe që sulmon sistemin nervor).

Tabarez ka vazhduar punën dhe shpesh përdor një karrocë automatike. Ai gjithashtu mbështetet në një shkop për ecje për aktivitetet e përditshme. /Telegrafi/