Thyen rregullat duke diskutuar nominimet, gjashtë banorët e BBVK e kaluan natën jashtë në kafaz me temperaturat në minus

Banorët e spektaklit më të ndjekur në vend, Driloni, Arioni, Diana, Vullneti, Gresa dhe Ana, janë përballur me një ndëshkim të papritur nga “Vëllai i Madh” pasi planifikuan fshehurazi nominimet, një veprim që bie ndesh me rregullat e formatit.

Si rezultat, ata u izoluan në një kafaz, duke u vendosur në një situatë më të vështirë krahasuar me banorët që vazhdojnë të gëzojnë lirinë e plotë brenda shtëpisë.

Ndëshkimi nuk kaloi pa tensione. Përplasjet mes të izoluarve dhe banorëve të tjerë nisën menjëherë pas vendimit të “Vëllait të Madh”.

Nga kafazi, Gresa u dëgjua duke thënë: “Asnjë nga ju nuk do të flejë gjatë natës”, një deklaratë që u interpretua si paralajmërim ndaj banorëve jashtë izolimit. Kjo e ka shtuar edhe më shumë atmosferën e tensionuar në shtëpi, ku ndarjet mes banorëve janë bërë më të dukshme.

Ky ndëshkim ka ngjallur debat edhe mes ndjekësve të formatit. Disa janë shprehur se masa ishte e drejtë, duke theksuar rëndësinë e respektimit të rregullave nga të gjithë konkurrentët, ndërsa të tjerë e kanë konsideruar si një veprim tepër të ashpër nga ana e produksionit.

Ndërsa banorët e ndëshkuar përballen me izolimin, publiku pret me kuriozitet të shohë se si kjo situatë do të ndikojë në dinamikat brenda shtëpisë. /Telegrafi/