Teoritë konspirative të xhiros së fundit në La Liga

“Nëse paguan për ata që të fitojnë, atëherë nuk është asgjë e gabuar me këtë”.

Ky gjithmonë ka qenë justifikim për artin e kahershëm që të lëshohet një valixhe e mbushur me para në kompleksin stërvitor të skuadrës që pritet të luajë kundër rivalit tënd në xhiron e fundit të stinorit.

“Los Maletines” (valixhja) ka qenë po aq pjesë e futbollit spanjoll sa kanë qenë adhuruesit duke ngrënë fara të lulediellit dhe trajnerët duke pirë duhan në bankinë, përcjell Koha Ditore shkrimin e Daily Mail.

Kështu që pasi Real Madridit i duhet që Granada të marrë së paku një pikë ndaj Barcelonës të shtunën, a do të dërgojnë madrilenët një valixhe te Granada? Apo a do të dorëzojë Barcelona ndonjë zarf me para te lojtarët e Deportivo La Corunas, në mënyrë që ata të japin më të mirën në ndeshje kundër Real Madridit?

Dhe a do të kenë motivime të tilla edhe skuadrat që do të përballen me ato që po luftojnë për mbijetesë?

Këto teori konspiracioni nuk kanë të ndalur.

Sipas uebfaqes “El Confidencial Digital”, autoritetet tatimore spanjolle kanë angazhuar 22 inspektorë për të shikuar pagesa jo të rregullta të bëra te lojtarët e të gjitha klubeve të përfshira, pasi në çdo pagesë me valixhe që bëhet do të ketë edhe pagesa të atilla që shkohet drejt në llogari bankare të lojtarëve.