Të dhënat e fundit për numrin e të prekurve dhe të vdekurve nga coronavirusi në Spanjë dhe Britani të Madhe

Me 367 vdekje të tjera të raportuara sot zyrtarisht, Spanja ka regjistruar numrin më të ulët të vdekjeve ditore nga COVID-19 që prej 20 marsit.

Që nga mesi i marsit, Spanja ka konfirmuar gjithsej 22,524 vdekje nga COVID-19.

Sot, Spanja arriti edhe një tjetër “moment historik”. Për herë të parë, në vend pati më shumë persona të shëruar, sesa të infektuar nga coronavirusi i ri.

Në total, mbi 92,000 persona janë shëruar dhe 219,764 janë konfirmuar si të infektuar në Spanjë.

Spanja ka qenë nën një nga kufizimet më të rrepta në botë që nga 14 marsi, i cili është vendosur të vazhdojë deri të paktën më 9 maj.

Ndërsa numri i vdekjeve nga coronavirusi i ri në Britaninë e Madhe u rrit sot me 684 në spitale, sipas autoriteteve shëndetësore.

Kjo është një shifër më e lartë se një ditë më parë (616), që e çon në 19,506 numrin e përgjithshëm të vdekjeve në vend, që nga fillimi i pandemisë.

Sipas Ministrisë së Shëndetësisë, 143 464 persona testuan pozitivë me COVID-19 në vend, që është një nga vendet më fort të goditur në Europë. /kp/Telegrafi/