Taravari: Nuk kemi qëndrim të prerë për largimin ose jo nga Qeveria

“Nuk kemi qëndrim të prerë për lëshimin ose qëndrimin në Qeveri, kjo do të vendoset pasi të analizohet rezultati i zgjedhjeve të fundit”, deklaroi Arben Taravari, në konferencën e sotme për shtyp në Gostivar.

Ai si sekretar i përgjithshëm i Aleancës për Shqiptarët, në vlerësimin e tij për procesin zgjedhor kritikoi angazhimin e funksionarëve qeveritar në dobi të BDI-së, përcjell Telegrafi Maqedoni.

“Për momentin nuk dalim nga qeveria. Vijojnë analiza në kryesi të partisë dhe do të shohim nëse ka pasur keqpërdorime gjatë procesit zgjedhor, pasi ekzistojnë dyshime. Do të flasim edhe me kryeministrin Zoran Zaev. Mendoj se është skandaloze që kryeministri, ministri i punëve të brendshme të angazhohen në punën e BDI-së. Kjo është e palejueshme në rekomandimet e Priebes”, tha mes tejrash Taravari.

Ai shtoi se Ministria e Shëndetësisë do t’i takojë Aleancës për Shqiptarët, por vendimi përfundimtar dp të merret pasi të vendoset në parti.

Taravari paralajmëroi revizion të punës financiare të Komunës së Gostivarit dhe paraardhësit të tij, pasi siç tha, ekzistojnë dyshime për keqpërdorime serioze./Telegrafi/