Si u zhvillua lufta gjatë këtyre dhjetë muajve në Ukrainë

Ish-drejtori i përgjithshëm i Institutit Mbretëror të Shërbimeve të Bashkuara, Michael Clarke, ka analizuar luftën në Ukrainë, ndërsa ajo hyn në muajin e dhjetë.

Eksperti i mbrojtjes dhe sigurisë i tha Sky News se më 2 mars, forcat ruse po përparonin në jug ndërsa po vinin nga rajoni i Krimesë i aneksuar nga Rusia në vitin 2014.

Në të njëjtin muaj, forcat ruse u përpoqën dhe nuk arritën të merrnin nën kontroll Aeroportin Hostomel, në veriperëndim të Kievit, transmeton Telegrafi.

Më pas, më 31 mars, pushtimi i Kievit kishte dështuar dhe Khersoni ishte i vetmi qytet që forcat ruse e kishin marrë, tha Clarke.

Deri më 3 korrik, rusët kishin pushtuar Severodonetskun pas 100 ditësh sulmesh dhe morën Lysychansk në krahun lindor të vendit.

“Kjo ishte shenja e lartë e avancimit të tyre në Donbas”, tha Clarke.

Dhe më 12 nëntor, trupat ukrainase ishin në gjendje të rimarrin qytetin e Khersonit.

“Ukrainasit nuk duhej të luftonin shumë për Khersonin pasi trupat ruse vullnetarisht braktisën pozicionet e tyre. Prandaj rusët pretendojnë se nuk ishte me të vërtetë një disfatë, por në të vërtetë ishte një humbje e jashtëzakonshme. Ishte i vetmi qytet i rëndësisë së madhe”, pohoi ai.

Eksperti i mbrojtjes tha gjithashtu se presidenti rus, Vladimir Putin ishte “i tmerruar” nga rënia e Bashkimit Sovjetik në vitin 1991 dhe “kurrë nuk e pranoi faktin se Ukraina mund të ishte një vend i pavarur”.

Ai tha se udhëheqësi rus “mendoi se ishte një katastrofë që Bashkimi Sovjetik” ishte shpërbërë dhe mendoi se ishte Ukraina ajo që “e kishte shkatërruar në mënyrë efektive Bashkimin Sovjetik”.

“Ishte kërkesa e tyre për pavarësi dhe kjo krijoi vrullin për të ndarë pjesën tjetër. Ai nuk ua fali kurrë këtë. Asnjëherë nuk e pranoi që Ukraina mund të ishte një vend i pavarur, kishte pikëpamjen e tij për historinë ruse”, tha Clarke.

“Kishte një krizë në vitin 2014 kur Ukraina filloi të anonte drejt Bashkimit Evropian. Dhe shkaku i kësaj ata pushtuan me forcë Krimenë. Ata pushtuan pjesë të Donbasit, rreth një të tretën e tij, me këto territore separatiste. Dhe kjo shkaktoi fillimin e një lufte. Në vitin 2022, për një sërë arsyesh të tjera, ai mendoi se ky ishte momenti i duhur”, deklaroi analisti.

Ndryshe, Rusia nisi pushtimin e pajustifikueshëm të shtetit ukrainas më 24 shkurt duke shkaktuar mijëra viktima dhe dëme materiale. /Telegrafi/