Shtrati problematik i lumit në Smaç të Prizrenit, banorët duan zgjidhje (Video)

Banorët e fshatit Smaç të Prizrenit po kërkojnë nga komuna të behët zgjerimi i shtratit të lumit që kalon në fshat.

Sipas tyre shtrati i ndërtuar para 4 vitesh, është projekt i dështuar, dhe si pasojë është shkatërruar, dhe lumi ka vërshuar brenda disa shtëpive.

Sokol Qetaj, banor i fshatit Smaç të Prizrenit  dikur shtratin e lumit e kujton disa metra të gjerë.

Nderimi i shtratit që është bërë pra katër vitesh nga komuna, nuk është më i gjerë se një metër.

“Unë e mbaj mend këtë lum, kam zënë peshq këtu. Mulliri ka qenë afër nga këtu. Tash uji nuk vjen këndej as verës e as dimrit vetëm kur ka të reshura të mëdha.

Për shkak të shtratit të vogël të lumit, në muajin gusht u bënë vërshime të mëdha të cilat morën shtëpitë, shprehet banori Nikollë Qetaj.

“Ka pasur vërshime, dëme materiale. Lumi është ndërtuar para dy viteve por puna ka dështuar, nuk ka qenë në nivel si duhet”, shprehet banori Nikollë Qetaj.

Ai thotë së i frikësohen vërshimeve që mund të ndodhin, nëse problem nuk rregullohet.

“Nuk u dihet të reshurave, mund të dëmtohemi edhe më shumë se deri tani nga vërshimet”, thotë Qetaj.

Ndërkaq Drejtori i Shërbimeve Publike në Komunën e Prizrenit, Levent Kasemi, nëpërmjet postes elektronike, tha për RTV Dukagjini se për këtë vit është vështirë të intervenohet . Por ai premtoi se vitin e ardhëm do të merren masa konkrete.

Ndërsa nuk përjashtoi mundësitë që sivjet të intervenojnë sadopak,  që lumi mos të sjell dëme./Telegrafi/