Instituti i Studimeve Ndërkombëtare në Tiranë botoi këto ditë veprën “Shqipëria dhe shqiptarët në udhën e rimëkëmbjes”, të studiuesit e politikologut shqiptar, Elez Biberaj, aktualisht drejtor i Departamentit Euroaziatik të ‘Zërit të Amerikës’, në Washington.
Biberaj, autor edhe i tre librave të tjerë që lidhen kryesisht me Shqipërinë, njëri prej të cilëve është botuar edhe në shqip me titullin “Shqipëria në tranzicion: Rruga e vështirë drejt demokracisë, 1990-2010”, në këtë të fundit, “Shqipëria dhe shqiptarët në udhën e rimëkëmbjes”, sjell një sërë këndshikimesh ndryshe, të para nga një shqiptar me formim intelektual e profesional perëndimor, për zhvillimet historike në hapësirat shqiptare.
Vetë titujt e kapitujve rrëfejnë përmbajtjet, të cilat do të jenë interesante jo vetëm për studiuesit, por edhe për lexuesit: Kosova: beteja për njohje, Marrëdhëniet shqiptaro-jugosllave dhe çështja e Kosovës, Konflikti në Kosovë, Shqipëria pas Hoxhës: dilemat e ndryshimit, Shqipëria midis Lindjes dhe Perëndimit, Shqipëria në udhëkryq, Kosova:
fuçi baruti e Ballkanit, Shqipëria dhe shqiptarët në periudhën paskomuniste, Kosova: rasti për një zgjidhje jetë gjatë e të qëndrueshme, Kosova: lindja e një shteti të ri, dhe tema të tjera.
Librit i prin një hyrje e historianit të njohur shqiptaro-amerikan, Nikolla Pano. /Koha/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251