Shqipëri, mbi 1150 të infektuar dhe 12 persona humbin jetën nga coronavirusi

Numri i infektive të reja me COVID-19 mbetet shqetësues ndërkohë që gjatë 24 orëve të fundit janë identifikuar 1152 të prekur nga kryerja e 3 994 testimeve.

Përveç infektimeve mbetet i lartë dhe numri i rasteve fatale, ku ditën e fundit kanë humbur jetën 12 persona të moshës 58-86 vjeç.

Aktualisht në 4 spitalet COVID, po trajtohen 512 pacientë, 30 në terapi intensive nga të cilët 17 pacientë janë të intubuar.

Komiteti Teknik i Ekspertëve më 11 shkurt vendosi të ashpërsoi masat duke zgjatur orarin e kufizimit të lëvizjes nga ora 20:00-06:00.

Ndërkohë ende zyrtarisht përgjigja nuk ka ardhur nga laboratorët e huaj ku mostrat janë dërguar për verifikim, por ekspertë të ISHP-së dyshojnë se në vendin tonë ka prani të mutacioneve të COVID-19.

Sipas tyre kjo vihet re nga rritja e numrit të të prekurve dhe sipas të dhënave zyrtare vetëm në 13 ditët e para të shkurtit, ka pasur 13 860 raste të reja dhe 163 humbje jete.

Për shkak të kësaj rritjeje, aktualisht numri i rasteve aktive me COVID-19 i kalon 34 mijë persona, ndërsa vetëm në Tiranë ka mbi 20 mijë.

Krahasuar me vendet e rajonit si Kosova dhe Maqedonia e Veriut kemi një numër jashtëzakonisht të lartë pasi të dy vendet kanë më pak se 7 mijë raste aktive në të gjithë territorin e tyre.

Aktualisht, numri i rasteve të reja dhe atyre fatale në vendin tonë është thuajse e ngjashme me Serbinë, një vend me gati 7 milionë banorë, gjë e cila tregon se shkalla e virulencës është shumë e lartë.

Më 13 shkurt, Serbia nga kryerja e mbi 9 mijë testeve ka pasur 1 622 të infektuar ndërsa raste fatale ishin 15 të vdekur në spitale.

Bilanci për shkurtin:

1 shkurt – 865 raste të reja dhe 13 humbje jete

2 shkurt – 942 raste të reja dhe 5 humbje jete

3 shkurt – 1007 raste të reja dhe 6 humbje jete

4 shkurt – 1052 raste të reja dhe 14 humbje jete

5 shkurt – 1089 raste të reja dhe 15 humbje jete

6 shkurt – 1130 raste të reja dhe 13 humbje jete

7 shkurt – 1124 raste të reja dhe 14 humbje jete

8 shkurt – 953 raste të reja dhe 12 humbje jete

9 shkurt – 1239 raste të reja dhe 16 humbje jete

10 shkurt – 1143 raste të reja dhe 15 humbje jete

11 shkurt – 1105 raste të reja dhe 14 humbje jete

12 shkurt – 1059 raste të reja dhe 14 humbje jete

13 shkurt – 1152 raste të reja dhe 12 humbje jete

COVID-19 – Statistika ( 13 Shkurt 2021)

Testime totale 410,393

Raste pozitive 91,987

Raste të shëruara 55,983

Raste Aktive 34,461

Humbje jete 1,543

Shpërndarja gjeografike e rasteve aktive sipas qarqeve:

Tiranë 20265

Fier 2980

Durrës 1770

Elbasan 1488

Shkodër 1497

Vlorë 1687

Lezhë 1122

Korçë 1036

Berat 1001

Gjirokastër 799

Kukës 467

Dibër 349