SHBA-së i duhen 200 milionë testime në muaj për ta pasur nën kontroll COVID-19

SHBA-të duhet të kryejnë deri në 200 milionë teste COVID-19 çdo muaj për të pasur nën kontroll pandeminë, thonë ekspertët në një raport të ri.

Ky numër është shumë përtej kapacitetit aktual të vendit, sipas raportit të lëshuar të mërkurën nga Fondacioni Rockefeller dhe Qendra Duke-Margolis për Politikën Shëndetësore, raporton CNN.

“SHBA-të ka të ngjarë të kenë nevojë për një numër shumë më të madh të të gjitha llojeve të testeve COVID-19 deri në vitin 2021 për të përmbajtur nën kontroll sëmundjen derisa të kthehen drejt aktivitetit normal”, shkruan raporti, transmeton Telegrafi.

Ekspertët e shëndetit publik në të gjithë vendin kanë thënë për muaj që testimi do të luajë një rol kritik në ndihmën për të mposhtur pandeminë.

Më pak se 30 milionë teste raportohen aktualisht çdo muaj në vend, thotë raporti. Ndërsa virusi u zhvillua pa u ndalur në të gjithë shtetin, disa zyrtarë thanë se gjurmimi i kontakteve ishte gati i pamundur me mungesën e kapacitetit të testimit dhe përhapjen e pakontrolluar.

“Në nivelet e tanishme të infeksionit, një strategji bazë e shqyrtimit do të kërkojë afërsisht 200 milionë testime çdo muaj”, tha Brett Giroir, udhëheqësi i provës për Task Forcën e Shtëpisë së Bardhë Coronavirus. /Telegrafi/