SHBA mbështet arritjen e një marrëveshjeje Kosovë-Serbi, kërkon heqjen e taksës ndaj produkteve serbe

Zëdhënësja e Departamentit Amerikan të Shtetit, Heather Nauert në një deklaratë për media ka thënë se sekretari i shtetit, Mike Pompeo i ka konfirmuar presidentit të Kosovës, Hashim Thaçi mbështetjen e palëkundur të Amerikës për Kosovën sovrane , të pavarur dhe të integruar në bashkësinë ndërkombëtare.

Në një deklaratë për media të Departamentit amerikan të shtetit thuhet se sekretari Pompeo po ashtu ka inkurajuar normalizimin e marrëdhënieve ndërmjet Kosovës dhe Serbisë, e që sipas tij shpie drejt integrimit të dy vendeve në bashkësinë ndërkombëtare.

Lexo po ashtu Thaçi merr mbështetjen e SHBA-së për marrëveshjen Kosovë-Serbi

Pompeo po ashtu ka inkurajuar Kosovën që të shfrytëzojë mundësinë e rrallë për arritje e një marrëveshje me Serbinë, ndërsa ka kërkuar nga autoritetet e Kosovës që të shfuqizohet taksa për importet nga Serbia dhe Bosnja.

“Sekretari ka inkurajuar Kosovën që të shfrytëzojë mundësinë e rrallë për arritjen e marrëveshjes për normalizimin e marrëdhënieve me Serbinë, me ndërmjetësimin e Bashkimit Evropian. Ai ka kërkuar nga autoritetet e Kosovës që të shfuqizojnë tarifat e vëna për importet nga Serbia dhe Bosnja, dhe të punojnë me shtetin serb për t’i shmangur provokimet dhe tensionet. Normalizimi i raportit Kosovë-Serbi është mënyra e vetme për të hapur rrugën e të dy shteteve drejt komunitetit perëndimor. SHBA është e gatshme që të mbështesë palët për arritjen e një zgjidhjeje të qëndrueshme, të zbatueshme dhe të tillë që shton stabilitetin”, thuhet në deklaratë.

Sekretari Pompeo po ashtu ka uruar Thaçin dhe qytetarët e Kosovës për hapat e mëdhenj që kanë arritur për një dekadë që nga shpallja e pavarësisë së Kosovës, ndërsa në takim thuhet se është diskutuar edhe rëndësinë e sundimit të ligjit dhe nxitjen e fuqishme të rritjes ekonomike për të siguruar të ardhmen e suksesshme të Kosovës. /Telegrafi/

.@SecPompeo met today with Kosovo President @HashimThaciRKS & reaffirmed US support for a sovereign, independent Kosovo. Secretary Pompeo also encouraged normalizing relations between Kosovo & Serbia which will help both countries integrate into the Western community of nations. pic.twitter.com/c2k1R2pPtC

— Matthew Miller (@StateDeptSpox) November 27, 2018