Pleurat Sejdiu, nga Oda e Mjekëve, ka shtruar pyetje ndaj Ministrisë së Financave, se pse punëtorëve shëndetësorë nuk iu ka dalë paga edhe pse nuk janë pjesë të grevës.
Ai ka kërkuar përgjegjësi nga Ministria e Financave, duke shtruar pyetjen se pse do duhej edhe mjekët të mos paguhen.
“Plotësisht pajtohem me shumicën e panelistëve, me të vërtet greva është akti më i rëndë e cila ka dëme kolaterale…Sot një pjesë e madhe e atyre që nuk kanë të bëjnë asgjë me grevën kanë ra viktima”, ka thënë ai.
“Po kush duhet të akuzohet që një pjesë e madhe e mjekëve do duhej t’i paguanin kreditë dhe ato para nuk i kanë. Pse të penalizohen ata që nuk janë pjesë e asnjë aktiviteti, duhet përgjegjësi e madhe”, ka vijuar ai.
Ai ka bërë thirrje që të gjendet një zgjidhje sa më parë në mënyrë që të mos dëmtohet asnjë sektor i shoqërisë./RTV Dukagjini/
Nga HyperActive
Nga GO+
Nga Down Syndrome Kosova
Nga Muqa Solar Company
