Rusët në shok pas publikimit të pamjeve që tregojnë se si ukrainasit shkatërruan tri tanke dhe tetë automjete tjera luftarake – në vetëm tri orë

Në disa pamje të publikuara në internet, që i atribuohen Brigadës së 72-të të Mekanizuar të Ukrainës dhe datës 30 janar, duket një kolonë automjetesh ruse që përparojnë në fshatin Novomykhailivka, të Donetsk.

Sipas mediave të huaja, përcjell Telegrafi, pamjet, të regjistruara me sa duket nga dronët ukrainas, tregojnë dronët kamikaze që “futen” në një seri tankesh ruse T-72 dhe një numër automjetesh luftarake.

Dhe pamjet më pas vazhdojnë në një seri shpërthimesh dhe automjetesh të dëmtuara rëndë.

Russians channels shocked by annihilation of a russian advancing column in Novomikhaylivka on 30 January. Huge channels are sharing footage where in just 3 hours, 3 tanks, 7 MT-LBs and 1 BMP were destroyed.

As if it’s anything new from the second army in the world. pic.twitter.com/zSYYmTCvKu

— WarTranslated (Dmitri) (@wartranslated) January 31, 2024

Në vetëm tri orë, tri tanke ruse, deri në shtatë automjete luftarake MT-LB dhe një automjet luftarak BMP u shkatërruan, sipas llogarisë WarTranslated në platformën e mediave sociale X, e cila punon për të përkthyer materialet e luftës në gjuhën angleze.

Lexo po ashtu BE-ja po i siguron Ukrainës 50 miliardë euro - si do të shpenzohen paratë?

Kanalet ruse me ndikim që ndjekin përpjekjet luftarake të Moskës u “tronditën” nga shkatërrimi i kolonës së automjeteve, shkruante llogaria të mërkurën.

Rusia kishte tentuar një “sulm të pasuksesshëm në jugperëndim të qytetit të Donetsk”, me pamjet që tregonin “mjete të blinduara ruse të dëmtuara dhe të braktisura në veri dhe në jug të Novomykhailivka” në vazhdën e sulmit, sipas Instituti për Studimin e Luftës (ISW).

Tanket dhe mjetet e blinduara të Rusisë kanë parë humbje të mëdha në luftimet në Donetsk muajt e fundit, veçanërisht rreth vendbanimit të sulmuar Avdiivka, në verilindje të Novomykhailivka.

Rusia ka bërë disa fitime në vijën e frontit, por ka paguar për ato pjesë të vogla të territorit me humbje të konsiderueshme automjetesh. /Telegrafi/