Rusët ndryshojnë gjininë për të shmangur rekrutimin

Ligjvënësit rusë kanë vendosur të angazhohen në një luftë kundër rasteve gjithnjë e më të shpeshta të të rinjve që dëshmojnë se kanë ndryshuar gjininë për të shmangur rekrutimin.

Dhoma e ulët e parlamentit rus, Duma e Shtetit, në të ardhmen e afërt do të diskutojë ndalimin e ndryshimit të gjinisë pa operacion, tha për gazetën “kommersant” deputetja Nina Ostanina, kryetare e komisionit parlamentar për familjen, gratë dhe fëmijët. Propozues i ndryshimeve është Ministria e Drejtësisë.

Lexo po ashtu Forcat Ajrore të Ukrainës thonë se kanë rrëzuar 18 dronë rusë

“Duket se shumë nga ata që nuk arritën të arratiseshin në Gjeorgji dhe Kazakistan nxituan në klinika private për të konfirmuar ndryshimin e tyre gjinor. Ky nuk është një boshllëk në ligj, ky është një boshllëk në edukimin e një brezi të tërë”, tha Ostaninova.

Vyacheslav Volodin, Kryetari i Dumës së Shtetit, gjithashtu mbështet qartë ndryshimin në legjislacion.

“Gjatë periudhës së kaluar, ne kemi regjistruar 2700 vendime të reja për ndryshimin e seksit. Vendime të tilla mund të merren në klinika private. Një person zgjohet në mëngjes dhe arrin në përfundimin se nuk është më burrë, por grua”, tha Volodin.

Sipas Volodin, shërbimi kushton nga 30000 deri në 60000 rubla (nga 350 euro deri në 700 euro). Rezultati është një certifikatë që njihet nga të gjitha organet, duke përfshirë zyrat e gjendjes civile, dhe njerëzit mund të martohen ose të aplikojnë për birësim, shtoi ai.

Ligjvënësit duan të diskutojnë ndalimin që në një takim më 15 maj, tha një tjetër burim i paidentifikuar për gazetën. Rekrutime pranverore mbahen në shumë vende në Rusi.

Kjo situatë të kujton skicën e famshme të serialit legjendar “Top List of Surrealists”, ku banorët e një pallati përpiqen të shmangin thirrjen në ushtri, qoftë edhe duke ndryshuar gjininë. /Telegrafi/