Rusët granatojnë ndërtesat kolektive në Ukrainë, vritet një grua

Ushtria ruse po vazhdon të granatoj objektet me civilë në Ukrainë, pavarësisht se Kremlini deklaron se ka për objektiv infrastrukturën ushtarake.

Dëshmia më e fundit për këtë janë sulmet në Kherson, ku artileria ruse goditi ndërtesat kolektive, ku si pasojë humbi jetën një grua civile dhe një tjetër u plagos, transmeton Telegrafi.

Në anën tjetër, sulme të tilla mbi civilët rusët i kanë intensifikuar muajve të fundit, duke bërë që miliona ukrainas të largohen nga shtëpitë e tyre dhe të kërkojnë strehim në qytete tjera paksa më të sigurta.

Videoja e publikuar më poshtë shfaq kufomën e një gruaje, që u vra nga artileria ruse që goditi ndërtesën kolektive në Ukrainë.

Që nga fillimi i luftës në këtë vend, numri i të vrarëve nga të dyja palët ka shkuar në qindra mijëra, e shifra të ngjashme janë edhe tek ata që janë plagosur. /Telegrafi/

Russian artillery hit a residential quarter of Kherson. One person died. Another one was wounded. #RuWarCrimes_UW #ISAREdnannia
Source: Yaroslav Yanushevich, the head of the Kherson regional military administration. pic.twitter.com/sklbZaonKv

— UkraineWorld (@ukraine_world) January 9, 2023