Rrëzohet një dron ushtarak amerikan në Poloni – fluturakja humbi kontrollin gjatë stërvitjeve

Droni ushtarak zbulues që u rrëzua të martën vonë në Poloninë jugperëndimore po përdorej nga ushtria amerikane për një fluturim stërvitor, njoftoi sot Ministria e Mbrojtjes polake.

Radioja private RMF raportoi më herët se droni u gjet në një pyll afër fshatit Trzebien në Poloninë jugore.

Në fakt, një kalimtar rasti thirri shërbimet e urgjencës pasi kishte parë objektin duke rënë në zonë.

“Informacionet e marra tregojnë se gjatë një fluturimi stërvitor të ushtarëve amerikanë, kontakti me dronin u humb, i cili më pas ra në një zonë pyjore”, shkroi ministria polake e Mbrojtjes në një përgjigje me email për reuters.

“Askush nuk është lënduar dhe as dëme nuk ka pasur… Droni është marrë nga pala amerikane që e ka në pronësi”, njoftoi ministria.

Ndërkohë që lufta po vazhdon në Ukrainë, ushtria polake është në gatishmëri të plotë në rast të shkeljes të hapësirës së saj ajrore pas incidenteve në muajit nëntor dhe dhjetor, kur ranë aksidentalisht disa raketa ukrainase ranë në territorin e saj. /Telegrafi/