Rreth 1,2 milion njerëz kanë vdekur nga coronavirusi: Gati 50 milionë janë të infektuar në të gjithë botën

Numri i njerëzve të infektuar nuk paraqet pamjen e vërtetë të një pandemie pasi disa vende testojnë vetëm të sëmurët rëndë, disa përdorin testime për të monitoruar virusin, ndërsa një numër i madh i vendeve të varfra kanë kapacitet të kufizuar testues.

Të paktën 1,250,879 njerëz kanë vdekur nga coronavirusi në të gjithë botën, dhe më shumë se 49,910,930 njerëz janë infektuar që kur sëmundja u shfaq në Kinë, në fund të vitit të kaluar, sipas të dhënave të fundit të mbledhura nga Agence France-Presse.

Të paktën 32,492,500 njerëz konsiderohen të kuruar sot, transmeton Telegrafi.

Në krahasim me dje, në botë u regjistruan edhe 7,370 vdekje dhe 602,036 raste të reja të infeksionit.

Vendet që regjistruan numrin më të lartë të vdekjeve në një ditë më parë janë SHBA me 991 vdekje të reja, India, 559 dhe Meksika 485.

Shtetet e Bashkuara janë vendi më i prekur për sa i përket numrit të vdekjeve dhe numrit të rasteve të infeksionit, me 237,123 vdekje dhe 9,861,898 të infektuar, sipas llogaritjeve të Universitetit Johns Hopkins. /Telegrafi/