Romanca lesbike “Jeta e Adelës” triumfon në Kanë

“Blue Is the Warmest Color: The Life of Adele”, një film që flet për një pasion drithërues mes dy femrave ka marrë Palmën e Artë në Festivalin e Kanës.

“Është një histori tepër e bukur, një dashuri i mrekullueshme përmes të cilës mund të identifikohemi të gjithë ne, pak rëndësi ka pikëpamja e seksualitetit. Jemi të privilegjuar që e kemi parë këtë film dhe jo të damkosur, pavarësisht skenave tepër eksplicite seksuale. Është historia e një dashurie të thellë dhe të mrekullueshme. Regjisori nuk e ka manipuluar situatën reale. U përballëm me një ndjesi sharmante që na përcolli filmi përmes aktoreve të jashtëzakonshme, ndërkohë që regjisori u ka mundësuar personazheve të marrin realisht jetë gjatë skenave të xhirimit", ka deklaruar kreu u jurisë së festivalit, Steven Spielberg, gjatë konferencës për shtyp.

I pyetur lidhur me vështirësitë eventuale që mund të haste filmi në disa shtete amerikane konservatore, presidenti i jurisë theksoi se ky kriter nuk kishte shumë rëndësi dhe po ashtu përgëzoi regjisorin franko-tunizian Abdellatif Kechiche për kurajën e shfaqur përmes realizimit të këtij lloj filmi. /ata/bw/Telegrafi/