Robert O’Brien: Trump do të qëndrojë edhe ca kohë në spitalin ushtarak

Donald Trump po ndihet shumë mirë dhe dëshiron të kthehet në punë në Shtëpinë e Bardhë, por do të qëndrojë në spital edhe për ca kohë, tha Këshilltari për Sigurinë Kombëtare, Robert O’Brien.

Presidenti i SHBA-së, Trump gjatë ditës së premte ishte konstatuar se është infektuar me coronavirus, raporton CNN.

Lexo po ashtu Mjekët amerikan: Trumpi ka luhatje të shëndetit, por nesër mund të lirohet për trajtim në Shtëpinë e Bardhë

“Unë fola me shefin e stafit të Shtëpisë së Bardhë (Mark Meadows) dhe lajmi i mirë është se presidenti ndihet me të vërtetë mirë dhe se në të vërtetë dëshiron të shkojë në Shtëpinë e Bardhë dhe të kthehet në punë, por mendoj se do të qëndrojë në Walter Reed për të paktën disa kohë”, tha O’Brien për Face the Nation të CBC-së, transmeton Telegrafi.

Trump po trajtohet në Spitalin Ushtarak Walter Reed, jo shumë larg Uashingtonit.

O’Brien, i cili vetë ishte infektuar me coronavirus gjatë verës, tha se dita e shtatë dhe e tetë e sëmundjes ishin kritike dhe se mjekët donin të ishin afër presidentit.

I pyetur nëse po diskutohet një zëvendësim i mundshëm i Trumpit në rast se nuk është në gjendje të shërbejë, ai tha se “Jo, kjo nuk është në tryezë për momentin”.

Lexo po ashtu Shtëpia e Bardhë pranoi se gjendja e Trumpit ishte më e keqe sesa fillimisht kishin raportuar

Ai theksoi se nuk dëshironte të merrej me spekulime dhe shtoi se “Ne kemi plane për gjithçka”.

Ndryshe, stafi mjekësor i presidentit gjatë një konferencë për shtyp ka pohuar se Trump ka luhatje në shëndet, por që mendohet se trajtimin do ta vazhdojë në Shtëpinë e Bardhë. /Telegrafi/