Rita Ora ‘godet’ sërish, pozon nudo në kopertinën e revistës “Clash”

Këngëtarja shqiptare me renome botërore, Rita Ora, është më se aktive kohëve të fundit.

Përveç përgatitjeve për albumin, i cili do të publikohet i plotë më 23 nëntor, Rita ka publikuar pak javë më parë edhe këngën e saj më të fundit me klip.

“Let you love me” titullohet kënga më e re e Ritës, e cila e ka renditur atë në majat më të larta të top-listave amerikane dhe britanike.

Këngëtarja shqiptare është mjaft aktive edhe me intervista dhe dalje televizive, teksa së fundmi ka dhënë një intervistë për revistën e njohur britanike, “Clash”.

Lexo po ashtu Rita Ora bëhet vizitorja e parë e famshme në lokalin e David Beckhamit në Londër

Përveç intervistës, ajo ka realizuar edhe një set fotografik për këtë revistë, ndërsa në kopertinën e saj është shfaqur nudo.

https://www.instagram.com/p/BohTMg0H4H7

Ora pozon tërësisht e zhveshur, ndërsa mban me duar gjoksin, duke i lënë kështu shumë vend imagjinatës.

“Faleminderit Matt dhe të gjithë ekipit të “Clash”, që më nderuat me këtë kopertinë. Më bëri të ndihem kaq rehat që të jem vetvetja dhe të ndjehem e lirë, ishte kaq çliruese”, ka shkruar Rita Ora në Instagram.

E njëjta është e ndjekur në këtë rrjet social nga afro 14 milionë ndjekës. /Telegrafi/