Rita Ora dhuron spektakël para mijëra fansave në një koncert në Veronë

Rita Ora shkëlqeu me barkun e saj të tonifikuar të vënë në pah gjatë performancës në shfaqjen e çmimeve RTL HITS, në ‘Verona Arena’, në Veronë të Italisë të martën.

Këngëtarja 32 vjeçe, kishte veshur një palë pantallona lëkure me një rrip të mbështjellë dhe çizme PVC të larta deri në kofshë teksa këndonte këngën e saj të re, “You Only Love Me”.

Ajo kishte veshur një xhaketë të përputhshme, të cilën e hoqi dhe e tundi sipër kokës gjatë performancës, shkruan DailyMail.

Përpara se të ndërronte veshjen e saj në skenë, Rita pozoi për disa fotografi me një tjetër pamje plot stil, teksa mbërriti në vendngjarje.

Lexo po ashtu Rita Ora publikon videon kur Mbreti Charles e përmendi atë dhe Nënë Terezën si shqiptarë të shquar

Për veshjen e saj të parë, interpretuesja e hitit “Praising You” kishte veshur një kostum të zi gjysmë të tejdukshëm me detaje prej argjendi dhe ari.

Ajo e rriti gjatësinë e saj me një palë taka të larta, që përmbanin harqe të mëdha gjersa kishte vendosur edhe një palë syze dielli të çuditshme.

Teksa Rita mbërriti në Veronë për koncertin e saj, ajo ndau me ndjekësit disa fotografi nga prapaskenat me fansat e saj.

Rita doli në skenë me kërcimtarët e saj mbështetës për të dhë një performancë spektakolare në RTL HITS.

Ylli nga Kosova kishte veshur një xhup gri me zinxhir dhe pantallona të shkurtra të ngjashme, të cilat i kombinoi me çizmet e saj të zeza prej lëkure me diamanti, të gjata deri tek gjuri.

Rita dukej sikur po hynte në zonë teksa performonte set-listën në përgatitje për performancën e mbrëmjen e së martës.

Këngëtarja shqiptare përndryshe është duke shijuar suksesin e albumit të saj më të fundit, “You and I”, i cili doli në shitje në muajin korrik. /Telegrafi/