Rënia e Cristiano Ronaldos: Shifrat që përcaktojnë kolapsin e tij

Dihet mirë se Cristiano Ronaldo tentoi të largohej nga Manchester United verën e kaluar, ndonëse refuzimi i trajnerit të tij mjaftoi që portugezi të detyrohej të vazhdonte të mbante fanellën e Djajve të Kuq.

Tani, i lënë në bankinë për shumicën e ndeshjeve, 37-vjeçari po përjeton një nga sezonet e tij më të këqija në nivel profesional, si në aspektin e performancës ashtu edhe në shifra.

Një gol dhe një penallti

Deri më tani, Cristiano Ronaldo ka luajtur nëntë ndeshje me fanellën e Manchester United, duke filluar vetëm në një ndeshje të Ligës Premier, ku skuadra humbi 4-0 nga Brigthon, dhe në tre ndeshjet e Ligës së Evropës, ku shënoi golin e tij të vetëm të sezonit, e cila ishte nga pika e bardhë kundër Sheriff Tiraspol.

Rënia e Cristiano Ronaldos

Për pjesën tjetër të ndeshjeve ku ka mundur të ketë minuta, Cristiano është treguar në një nivel larg asaj që pritet nga një sulmues si ai.

Në fakt, ish-lojtari i Real Madridit ka mundur të gjuajë vetëm 10 herë në Ligën Premier, që është mesatarisht më pak se dy goditje për lojë, diçka e pabesueshme për golashënuesin më të mirë në historinë e futbollit.

Kupa e Botës në horizont

Jo vetëm që performanca e tij me Manchester United ka qenë disi e diskutueshme, por edhe roli i tij në miqësoret e fundit me Portugalinë nuk ka qenë saktësisht i jashtëzakonshëm.

Në ndeshjen kundër Spanjës, legjenda pati disa raste për të shënuar, por përfundimi i dobët, së bashku me mungesën e shpejtësisë në momentet kyçe, bëri që ai të mos arrinte të shënonte.

Më pak se 50 ditë deri në Kupën e Botës në Katar

Natyrisht, nëse nuk ka ndonjë pengesë fizike, Cristiano Ronaldo do të jetë me Portugalinë në grupin H, ku do të përballet me Uruguain, Ganën dhe Korenë e Veriut, megjithëse niveli i tij mund ta detyrojë Fernando Santos të vë bast për sulmuesit e tjerë që janë në formë më të mirë, si Rafael Leao, Diogo Jota ose Goncalo Ramos. /Telegrafi/