Rama rrugës për në SHBA: S’do lëmë gur pa luajtur, që vaksina të vijë sa më parë në Shqipëri

Kryeministri i Shqipërisë, Edi Rama bën me dije se po shkon drejt Shteteve të Bashkuara për të siguruar vaksinën anti-Covid në Shqipëri, paralelisht me vendet e tjera.

Rama ka thënë se kontakti sy më sy me prodhuesit e vaksinës është qëllimi i vizitës së tij në SHBA.

“Sigurimi i vaksinës sa më parë është një prioritet i luftës sonë kundër Armikut të Padukshëm dhe s’do lemë gur pa luajtur që vaksina të fillojë të vijë sa më parë në Shqipëri! Kontakti sy më sy me prodhuesit e vaksinës i shërben këtij qëllimi. Rrugës për në Shtetet e Bashkuara ✈️”, ka shkruar Rama.

Sigurimi i vaksinës sa më parë është një prioritet i luftës sonë kundër Armikut të Padukshëm dhe s'do lemë gur pa luajtur që vaksina të fillojë të vijë sa më parë në Shqipëri!Kontakti sy më sy me prodhuesit e vaksinës i shërben këtij qëllimi.

Rrugës për në Shtetet e Bashkuara ✈️

— Edi Rama (@ediramaal) December 5, 2020

Vaksinat për COVID-19 pritet që së shpejti të arrijnë te qytetarët, por ky proces pritet të shoqërohet edhe me një bum të dezinformatave në lidhje me këtë vaksinë, që mund të dëmtojnë besimin e publikut dhe përpjekjet për të ndaluar përhapjen e coronavirusit.

Qeveritë kanë një rol të veçantë në luftën kundër keqinformimit. Edhe mediat sociale kanë rolin e tyre, por deri më tani, ato nuk kanë arritur të parandalojnë përhapjen e teorive të çuditshme të konspiracionit anti-vaksinë, shkruajnë mediat botërore. /Telegrafi/