Qëndrimi mbyllur i solli ndryshimin, Bebe Rexha tregon dukjen e saj të re me flokë të gjata

Këngëtarja shqiptare me famë botërore, Bebe Rexha, ka qenë shumë e hapur me fansat e saj gjatë periudhës së karantinës.

Ajo ka ndarë vazhdimisht me ndjekësit fotografi dhe video të ndryshme nga qëndrimi mbyllur në vilën e saj lukosze në Los Angeles.

Një detaj që artistja shqiptare shpesh e ka vënë në dukje është fakti që gjatë gjithë periudhës së izolimit ka pasur probleme me flokët e saj, duke mos mundur të tregojë kujdesin maksimal për to gjatë qëndrimit e vetme në shtëpi.

https://www.instagram.com/p/CALb1b3llWO/

Fillimisht ajo bëri të ditur se si rrënjët e saj të zeza kishin filluar të dalin në pah, duke marrë kështu një pamje më ndryshe, pak a shumë si në fillimet e karrierës së saj kur nuk ishte bionde.

Lexo po ashtu Bebe Rexha thotë se në mungesë kujdesi gjatë karantinës, flokët e saj nuk janë më bionde

Ndërkohë tani flokët e saj gjithashtu janë rritur shumë dhe nuk janë më të shkurtra, siç i ka mbajtur prej vitesh.

Në një video të publikuar në rrjetin social Instagram, Rexha ka treguar dukjen e saj të re me flokë më të gjata – ndryshim ky i cili është mirëpritur nga fansat.

https://www.instagram.com/p/CAiHRswlh80/

“Flokë të gjata vetëm për një ditë. U ndjeva e çuditshme por ishte argëtuese. Më shumë foto do të vijnë”, shkroi 30-vjeçarja në mbishkrimin e videos.

Ajo përndryshe ka bërë të ditur se gjatë qëndrimit në karantinë ka punuar edhe rreth albumit të saj më të ri, që do ta nxjerrë në shitje këtë vit. /Telegrafi/