Publikohet klipi i shumëpritur i Rita Orës me 6LACK

Këngëtarja shqiptare me famë botërore, Rita Ora, është duke shijuar suksese të njëpasnjëshme në rrafshin ndërkombëtar.

Aktualisht, Rita ndodhet në Australi ku është duke realizuar turneun e saj të koncerteve, në kuadër të promovimit të albumit të saj të dytë, “Phoenix”, të cilin artistja shqiptare e publikoi në nëntor të vitit të kaluar.

E kur jemi te albumi, njëra ndër këngët më të suksesshme të tij është “Only Want You”, së cilës Ora ia ka realizuar së fundmi edhe klipin.

Ka tash e sa javë që ajo ka paralajmëruar fansat në rrjetet sociale për ardhjen e këtij klipi, të cilin ata duket se e kanë pritur me padurim.

Lexo po ashtu Rita Ora i jep fund lidhjes me Andrew Garfield?

Në këtë klip, ajo vjen në bashkëpunim me reperin shumë të pëlqyer 6LACK, i cili i ka dhënë kahje tjetër këngës, ndryshe nga versioni i saj i parë që këndohet i gjithi nga Rita.

Klipi “Only Want You” është realizuar nga London Alley Entertainment, teksa xhirimet e tij janë kryer në kryeqytetin anglez.

Si në çdo projekt tjetër, këngëtarja shqiptare edhe këtë herë i mahnit të gjithë me paraqitjen e saj në këtë klip, dhe një performancë interesante.

Ky vit ka nisur shumë i suksesshëm për Ritën, nisur nga albumi i freskët dhe turi i koncerteve “Phoenix” në mbarë botën, që do t’i dhurojë asaj edhe më shumë njohje. /Telegrafi/