Pse goli i Cole Palmer kundër Wolves nuk duhet të ishte pranuar për shkak të rregullit pak të njohur

Ylli i Chelseat, Cole Palmer shënoi një gol të klasit botëror kundër Wolves të dielën, por pamjet tregojnë se goli duhej të anulohej.

Java e dytë e ndeshjeve të Ligës Premier përfundoi të dielën pas fitores 2-0 të Liverpool ndaj Brentford në Anfield.

Më herët gjatë ditës, Chelsea mori fitoren e parë të sezonit pasi dominoi Wolves në një fitore mbresëlënëse 6-2 që pa paraqitje të spikatura nga Noni Madueke dhe Cole Palmer.

Megjithatë, tani është zbuluar se goli mahnitës i shënuar nga Palmer në atë ndeshje nuk duhej të qëndronte për shkak të një rregulli pak të njohur.

Goli i Palmerit, i treti i ndeshjes, ishte ndoshta më i miri në lojë pasi ai shfrytëzoi një gabim të portierit të Wolves, Jose Sa, duke e paraboluar atë në fundin e pjesës së parë.

Megjithatë, siç tregon beIN SPORTS, pasimi nga portieri i Chelseat, Robert Sanchez, te sulmuesi Nicolas Jackson, ishte i paligjshëm dhe për këtë arsye, goli i Palmerit duhej të anulohej.

Pamjet me lëvizje të ngadalta të transmetuara pas ndeshjes tregojnë se topi po rrotullohej kur spanjolli e gjuajti topin drejt Jackson, gjë që sipas rregullave të Ligës Premier, nuk lejohet.

Duke folur në beIN SPORTS, prezantuesi Richard Keys tha: “Po rrokulliset topi. Në mënyrë të rreptë duhet të ndalohet goli”.

Në këtë skenar, rregullat diktojnë që loja duhet të ishte rifilluar, që do të thotë se goli i Palmer nuk do të kishte ndodhur.

Megjithatë, për fat të mirë për anglezin dhe klubin e tij, zyrtarët e VAR-it janë udhëzuar të mos kontrollojnë për rinisje dhe për këtë arsye, pasi arbitri nuk e vuri re topin që rrokullisej përpara goditjes, goli u lejua të qëndronte pasi Jackson dhe Palmer ishin në pjesën e Wolves. /Telegrafi/