Prezantohet pyetësori “Përzgjedhje lokale” në komunën Aerodrom

Sot, para qytetarëve të komunës Aerodrom do të promovohet ueb faqja “Përzgjedhje lokale” – http://www.lokalenizbor.mk/, e cila iu mundëson votuesve t’i ndajnë pozitat e tyre me pozitat e kandidatëve dhe partive që do të marrin pjesë në zgjedhjet lokale të 15 tetorit.

Qytetarët do të kenë mundësi të japin vlerësojnë 20 deklarata për tema të rëndësishme të ndara në tetë sfera tematike edhe atë, urbanizëm dhe punë komunale, mbrojtje e mjedisit jetësor, siguri, transparencë dhe pjesëmarrje e qytetarëve, decentralizim, zhvillim ekonomik, kujdesi social dhe mundësi të barabarta.

Në fokusin e kësaj ueb faqe janë komunat Aerodrom, Çair, Strugë, Strumicë dhe Rosoman. Deklaratat janë zgjedhur bazuar në supozimin se temat në të cilat përqëndrohen kandidatët për kryetarë gjatë fushatave janë ato më të rëndësishmet për qytetarët. Janë vendosur gjithsej 18 kandidatë dhe lista për këshilltarë komunal në këto pesë komuna.

“Përzgjedhje lokale” është punuar nga një ekip i hulumtuesve nga Instituti për hulumtime – Impakt, ndërsa është financuar nga Ambasada e Mbretërisë së Holandës në Maqedoni./Telegrafi/