Post Malone thotë se shkruan tekstet më të mira të këngëve të tij në tualet

Post Malone po tregohet i sinqertë duke zbuluar se shkruan tekstet e këngëve të tij më të mira në tualet.

“Ndonjëherë marrë edhe kitarë atje”, i tha reperi – Alex Cooper në ‘podcast’-in e saj “Call her Daddy” të mërkurën.

“Të gjitha tekstet më të mira janë shkruar në tualet”, theksoi 28 vjeçari.

Ndërsa ai shpjegoi se dërgimi i ‘email-eve’ është ‘kodi’ i tij për të shkuar në tualet, ai pranoi se ndonjëherë korrespondon atje dhe gjithashtu bën blerjet online.

Lexo po ashtu Të gjitha lajmet nga Post Malone

“Ndonjëherë unë do t’i përgjigjem disa emaileve”, tha ai. “Unë bëj shumë blerje online. Dhe të gjithë mendojnë se çdo porosi që bëj është false”.

Më vonë gjatë intervistës, artisti e përshkroi veten si të çuditshëm dhe introvert, duke thënë: “Në shkollë më ngacmonin një grup i tërë”.

Cooper e pyeti krijuesin e “Circles” nëse kishte ndonjë këshillë për fansat e tij të rinj në moshë që vazhdimisht ngacmohen.

“Ju jeni vetëm një person gjatë gjithë jetës tuaj dhe duhet të jeni në gjendje të shprehesh dhe të jetosh jetën tënde e të bësh çfarëdo që dëshiron të bësh për sa kohë që nuk e lëndon askënd”, përfundoi Post. /Telegrafi/