A po përfundon historia e një legjende: Foto e madhe e Ronaldos po hiqet nga “Old Trafford”

Një mural i madh i Cristiano Ronaldos është larguar sot nga “Old Trafford” pasi u bë publike intervista më e diskutueshme e karrierës së futbollistit portugez.

Në një intervistë për Piers Morgan, Ronaldo “goditi” fort klubin e tij, ku konsiderohej si legjendë.

Ronaldo foli për pronarët, trajnerët dhe punonjësit e klubit, si dhe ish-bashkëlojtarët me të cilët bëri histori në “Old Trafford”.

Prandaj, klubi vendosi ta ndëshkojë ashpër. Edhe pse ende nuk është konfirmuar zyrtarisht, ai pritet të marrë një gjobë prej rreth 1.14 milion euro dhe zgjidhjen e kontratës në janar.

Following the fall-out from his controversial interview, Man Utd have decided to remove Ronaldo’s poster from the Old Trafford #ronaldointerview #RonaldOM
Credit: ESPN, Twitter pic.twitter.com/PbGEJBJ3Lc

— The Skuup (@TSkuup) November 16, 2022

Megjithatë, sot ka nisur procesi i largimit të Ronaldos nga ambientet e klubit.

Domethënë, murali i tij u hoq nga “Old Trafford”. Është një foto e madhe që ka stolisur stadiumin së bashku me disa legjenda të tjera të klubit.

Megjithatë, duke qenë se as tifozët dhe as askush në klub nuk e konsiderojnë atë legjendë për shkak të sjelljes së tij, imazhi i tij, i cili duhet të kishte dekoruar prej kohësh stadiumin ikonë të një prej klubeve më të mëdha në botë, sot është hequr.

Kontributi i tij në trofetë e United do të mbahet mend përgjithmonë, por sjellja e tij në gjashtë muajt e fundit ka kërcënuar statusin e tij si legjendë e klubit dhe ai nuk është më i dashur si dikur. /Telegrafi/