Pesë momentet me të cilat La Liga krenohet në vitin 2024

Fundi i vitit është momenti i duhur për të rikujtuar të gjitha arritjet dhe La Liga e bëri këtë në bazë të së cilës nënvizohen pesë momente që kanë ndodhur, e që cilësohen si “historike” për kampionatin në vitin 2024.

Shoqata e punëdhënësve të klubeve thekson se ata kanë arritur një rekord që nuk e kishin prekur kurrë më parë dhe se po vazhdojnë ta pozicionojnë veten si referencë në industrinë e sportit.

1.Më shumë se 10 milionë abonentë në YouTube –  Sipas të dhënave nga La Liga, në vitin 2024 kampionati spanjoll është bërë liga e parë e futbollit që ka marrë butonin e diamantit të YouTube, duke tejkaluar shifrën e 10 milionë abonentëve në këtë platformë.

2.La Liga Valores y Oportunidad arrin më shumë se 340,000 përfitues  – Projekti i nisur nga Instituti Kombëtar i Sporteve të El Salvadorit (INDES) dhe Fondacioni La Liga ka arritur një moment historik që nga lindja e tij në 2019, duke hapur 263 shkolla të edukimit sportiv dhe duke ndikuar drejtpërdrejt në 341,785 përfitues nga e gjithë bota.

Kjo nismë synon të përmirësojë cilësinë e jetës së të rinjve nga El Salvadori dhe të promovojë projekte që synojnë përfshirjen, vendosjen në punë, edukimin mbi vlerat, parandalimin e dhunës dhe sipërmarrjes, duke përdorur futbollin si një mjet zhvillimi.

3.Ka pasur më shumë se 200 studentë në diploma master në La Liga Business School – Departamenti arsimor i La Ligas që ofron shërbime për studentët që duan të angazhohen në industrinë e sportit. La Liga thekson në raportin e saj një shkallë punësueshmërie prej 93 për qind.

4.Lufta kundër racizmit – Rasti i parë në qershor, kundër tre të akuzuarve për fyerje ndaj Vinicius në ndeshjen Valencia-Real Madrid. Ata u dënuan me 8 muaj burg, iu ndalua hyrja në stadium për dy vjet dhe u desh të paguanin kostot e seancave gjyqësore.

Rasti i dytë në shtator, edhe këtë herë pikërisht për fyerje raciste ndaj Vinicius në ndeshje Mallorca-Real Madrid dhe një rast tjetër që përfshiu Samuel Chukwueze në ndeshjen Mallorca-Villarreal, me dënime që variojnë nga gjashtë muaj burg dhe ndalim hyrje në stadiume për një vit e gjysmë.

5.Një vit unik në luftën kundër mashtrimit audiovizual (piraterisë) – Në këtë pikë, La Liga thekson strategjinë e kompanisë kundër piraterisë, luftën kundër “rrjeteve të piraterisë dhe mafias” dhe nevojën për të përfshirë platformat si Google ose Cloudflare. Për më tepër, ata vënë në dukje disa operacione të rëndësishme në vitin 2024, si bllokimi dhe mbyllja e platformave të paligjshme si Cristal Azul dhe Magis TV./Telegrafi/