Pesë këshilla që mund t’ju ndihmojnë të dalloni një kërkimfalje të pasinqertë
Si të dalloni një kërkimfalje të rreme? Shumë njerëzve në fakt nuk u vjen keq kur i thonë këtë fjalë
A keni dëgjuar një koleg, mik apo dikë tjetër t’ju thotë diçka si: “Më falni nëse i keni keqkuptuar veprimet e mia”, “Më falni nëse ju ofendova në ndonjë mënyrë” ose “Epo, atëherë më vjen keq nëse vërtet këmbëngulni për këtë gjë”. Një kërkimfalje e tillë nuk është vetëm e pasinqertë, por edhe shumë e shpeshtë.
Ka shumë njerëz që sillen sikur kanë kërkuar falje, ndërsa në fakt nuk e kanë bërë. Ka një vijë të hollë midis një faljeje të sinqertë dhe të pasinqertë, por duhet të jetë e qartë për çfarë duhet dhe nuk duhet të kërkojmë falje.
Një falje është e pasinqertë nëse nuk përputhet me përkufizimin e mëposhtëm të faljes që gjendet në fjalorin e Miriam Webster: “pranim i fajit ose vrazhdësi e ndjekur nga një shprehje keqardhjeje”, transmeton Telegrafi.
Këtu janë disa ndryshime midis një faljeje të pasinqertë dhe një faljeje të sinqertë, dhe se si secili nuk përmbush “pranimin” dhe “pendimin” në këtë përkufizim:
Një person i tillë nuk merr përgjegjësi për fjalët apo veprimet e tij
Të tilla kërkimfalje shpesh fillojnë me frazën klasike: “Më falni nëse ndiheni të ofenduar” ose “Më falni që jeni shqetësuar”. Personi i tillë mund të thotë gjithashtu: “Problemi është se ju jeni shumë i ndjeshëm”. Më lejoni t’ju shpjegoj përse është kështu”.
Një tjetër kërkimfalje e pasinqertë është kur personi thotë diçka si: “Më vjen keq që gjërat dolën ashtu siç dolën”. Kjo është si të fajësosh tokën ose universin për atë që ndodhi. Një kërkimfalje e sinqertë nënkupton që një person pranon se ka gabuar dhe nuk ua kalon fajin të tjerëve.
Kërkimfalja e detyruar
Detyrimi është i dukshëm kur njerëzit thonë gjëra të tilla si “Epo, nëse më duhet patjetër, do të kërkoj falje” ose “Nëse këmbëngul, do të kërkoj falje”. Nëse një person fillon të kërkojë falje duke thënë: “Pirro më tha të kërkoj falje për ty”, lind pyetja se çfarë do të kishte ndodhur nëse Pirroja nuk do ta kishte urdhëruar atë.
Madje dhe nëse një person nuk përdor fjalë të tilla, mund të thuash se ai me të vërtetë nuk ndien keqardhje për veprimet e tij, nëse kërkon falje vetëm kur dikush e kap në flagrancë. Pyetja është se çfarë do të kishte ndodhur nëse fyerja apo lëndimi nuk do të zbulohej.
Kërkimi i faljes është i paqartë
Një shembull klasik është, “Më falni nëse thashë gjënë e gabuar”, në krahasim me, “Më vjen keq që ju akuzova gabimisht se jeni ….” Që një falje të jetë vërtet e sinqertë, personi që kërkon falje duhet komunikojnë qartë se çfarë ka gabuar kështu që nuk ka vend për keqinterpretim.
Personi nuk ka ndërmend të korrigjojë gabimin e tij
Një falje mund të jetë e bukur, por siç thonë ata, veprimet flasin më shumë se fjalët. Nëse dikush ka bërë një gabim, duhet të përpiqet ta korrigjojë gabimin dhe të mos e përsërisë më.
Nëse një person mendon se ai thjesht mund të justifikohet duke thënë: “Më vjen keq që hëngra kafjallin tuaj për të dhjetën herë; siç ju kërkova falje nëntë herët e mëparshme”, por në të njëjtën kohë ai planifikon ta hajë herën tjetër, nuk ka sinqeritet në atë falje.
Keni ndjenjën se kërkimi i faljes nuk është i sinqertë
Nëse personi është duke buzëqeshur ndërsa kërkon falje, ju natyrisht dyshoni në sinqeritetin e tij. Zakonisht, nëse në njëfarë mënyre ndiheni sikur një falje nuk është një falje e vërtetë, atëherë ndoshta nuk është. Dëgjoni intuitën tuaj! /Telegrafi/
Promo
Reklamo këtuLufta Prigozhin - Putin
Më shumëTest i inteligjencës me tetë pyetje, të cilat vetëm më të mençurit i dinë
Zbulohen qytetet me erën më të mirë në Evropë. I pari është ndër më të vjetrit në botë
Pse të qash në palestër është normale, sipas ekspertëve
Një enigmë matematikore me dy zgjidhje? Provoni të arrini përgjigjen përfundimtare
“Seksi i Dytë”
Mësoni të puthni për t’ju mbajtur në mend!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City