Pas suksesit në Brit Awards, albumi debutues i Dua Lipës rikthehet në vendin e parë në iTunes

Dua Lipa është një ndër këngëtaret më të suksesshme shqiptare në rrafshin ndërkombëtar.

Kulmin e karrierës së gjertanishme këngëtarja shqiptare e ka arritur gjatë mbrëmjes së kaluar.

Ajo ka fituar dy çmime në festivalin muzikor britanik të njohur si Brit Awards, duke qenë një ndër këngëtaret me më së shumti trofe të fituar gjatë ditës së djeshme.

https://www.instagram.com/p/BfgrughFyXH/?taken-by=dualipa

Kjo ka bërë që të bëjë bujë të madhe në mediat botërore, e cila gjë ka risjell në pozitën e parë të albumit debutues në listën e iTunes.

“Albumi është rikthyer si i pari në iTunes”, ka shkruar ndër të tjerash në llogarinë personale në Instagram, Lipa.

Kjo e fundit në ngjarjen kryesore muzikore në Britaninë e Madhe fitoi çmimet në kategorinë “Këngëtarja e re më e mirë britanike” si dhe në “Këngëtarja më e mirë britanike ndër femra”.

Lexo po ashtu Kush është Dua Lipa, ku i mori hapat e parë të muzikës dhe sa Brit Awards i ka fituar? Shumëçka rreth karrierës së këngëtares shqiptare

Theksojmë se 22-vjeçarja ishte e nominuar edhe tre kategori të tjera, e cila me pesë sosh ka bërë që të shkruajë histori duke u renditur si femra me më së shumti nomine në Brit Awards përgjatë 40 viteve të zhvillimit të festivalit.

Ndryshe, hiti i saj “New Rules” tashmë ka arritur të shikohet mbi një miliard shikime në YouTube. /Telegrafi/

https://www.instagram.com/p/BfgbIDYlS5Y/?taken-by=dualipa