Sikur bashkëpunimi ekonomik dhe në fushat e tjera të ishte si në sektorin e energjisë në mesë Kosovës dhe Shqipërisë, të dyja vendet do të kishin një zhvillim më të madh dhe do ta lehtësonin edhe punën e bizneseve.
Thellimi i bashkëpunimit Kosovë – Shqipëri është thelluar dukshëm me ndërtimin e linjës së interkonjeksionit të tensionit të lartë 400kV e cila përkrah sistemet energjetika të dyja vendeve kur kanë nevojë për shkëmbim të energjisë elektrike.
Drejtuesit e Korporatës Energjetike të Kosovës (KEK) dhe Korporatës Elektroenergjetike të Shqipërisë (KESH), gjatë një takimi në Tiranë kanë thënë se bashkëpunimi duhet të rritet edhe për ndërtimin e kapaciteteve të përbashkëta energjetike.
Drejtori i KESH-it, Agron Hetoja, tha se bashkëpunimi me KEK-un ka shkuar të përmirësohet nga viti në vit.
Rritja e bashkëpunimit në mes korporatave që furnizojnë vendet me rrymë është sipas tij, rrjedhojë e marrëdhënieve ndërmjet dy Qeverive.
“Është përmirësuar edhe infrastruktura dhe të dy ndërmarrjeve tona na takon që në kuadër të proceseve të reformave ta thellojmë gjithnjë e më tepër bashkëpunimin”, deklaroi Hetoja.
Ai këto komente i bëri për një grup gazetarësh nga Kosova, të cilët gjatë fundjavës vizituan Hidrocentralin e Komanit, ku u njoftuan për kapacitetet prodhuese dhe punën që bëhet aty – duke folur për linjën e interkonjeksionit, e cila u përurua përfundimisht muajin e kaluar,
Kreu i KESH-it tha se investimi në “Autostradën Energjetike” krijon kushte që dy gjeneruesit publikë të investojnë në rritjen e kapaciteteve gjeneruese dhe t’i përmirësojmë praktikat e shkëmbimit.
“Sistemet energjetike karakterizohen nga fakti që Shqipëria është pothuajse 100% hidro, ndërsa prodhuesi në Kosovë është i bazuar në termocentrale. Duke pasur parasysh këtë, ekziston mundësia e bashkëpunimit gjithnjë e më e thellë. Mirëpo fatkeqësisht, akoma të dy vendet janë importues të energjisë. Kjo e shpreh para neve nevojën dhe domosdoshmërinë që neve duhet të investojmë në rritjen e kapaciteteve gjeneruese”, u shpreh Agron Hetoja.
Kurse zëvendësdrejtori i Korporatës Energjetike të Kosovës (KEK), Nijazi Thaçi tha se bashkëpunimi ndërmjet dy vendeve në fushën e energjisë është i shkëlqyeshëm, pasi Kosova dhe Shqipëria i dalin në ndihmë njëra-tjetrës në rast nevoje.
“Kur kemi pasur rastin e avarisë në Termocentralin ‘Kosova A’, drejtori ka intervenuar dhe ka bërë zgjidhje, duke ofruar furnizim me rrymë”, theksoi Thaçi.
Ndryshe Komani, në kaskadën e lumit Drin, që u vizituar nga gazetarët e mediumeve të Kosovës dhe përfaqësuesit e KEK-ut, është hidrocentrali me kapacitetin më të madh në Shqipëri.
Fuqia prodhuese e Hidrocentalit të Komanit është 600 megavatë orë energji elektrike. Prodhimi vjetor është mesatarisht 1,800 gigavatë orë. Kjo sasi përbën rreth 45% të prodhimit të Kaskadës. /Telegrafi/Foto: Ridvan Slivova/
Promo
Reklamo këtuLufta Prigozhin - Putin
Më shumëViva Fresh Store renditet si grupi i pestë më i madh i shitjeve me pakicë në Ballkanin Perëndimor!
Qysh bohet kerri i vogël, kerr i ri!
Bëhu banor i kryeveprës së Prizrenit - Grand Residence
Kurrë s’e ke pas ma lehtë se me Telegrafi Jobs me gjetë punë!
Policia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City