Parashikimi i motit: Shi dhe vranësira gjatë pesë ditëve të ardhshme

Instituti Hidrometeorologjik i Kosovës parashikon se gjatë pesë ditëve të ardhshme të javës do të mbajë mot i ndryshueshëm me reshje shiu, me vranësira te dendura dhe me intervale me diell.

Dita e hënë parashihet të jetë me temperatura të ulëta pasi do te jemi nën ndikimin e masave te ajrit me presion te ulët atmosferik. Gjatë natës reshjet e shiut kanë mundësi të shoqërohen edhe me fjolla të dobëta bore, kryesisht ne viset malore, transmeton Telegrafi.

Temperaturat do të lëvizin ndërmjet 2-10 gradë Celsius. Do të fryjë erë nga veriu me shpejtësi 1-6m/s.

Nga dita e martë pritet të ketë përmirësim të ndjeshëm të motit, por temperaturat minimale do të ulen rreth zeros, e në vise malore do të regjistrohen edhe ngrica të lehta.

Ngritje te lehta të maksimaleve priten edhe ditëve ne vijim, ku merkuri në termometër pritet të shënojë vlera deri 20 gradë Celsius.

Në ditën e premte pritet të ketë depërtim të masave të lagështa të ajrit dhe kështu do të krijohen kushte për reshje të dobëta shiu.

Do të fryjë erë nga jugperëndimi dhe juglindja me shpejtësi deri 11m/s. /Telegrafi/