Parashikim: Everton – Arsenal

Arsenali do të jetë mysafirë i skuadrës së Evertonit, e cila në pesë xhirot e fundit nuk ka asnjë fitore. Natyrisht, përballja e këtyre dy ekipeve do të jetë një ndeshje shumë e fortë.

Vendi: Godison Park, Liverpool
Koha: 13 dhjetor (e martë), 20:45

Arsenal
Arsene Wenger do të mundohet të realizojë edhe fitoren e radhës në mënyrë që të mos largohet prej kreut të tabelës. Trajneri francez nuk do ta ketë në dispozicion mbrojtësin më në formë Shkodran Mustafin, i cili pësoi lëndim kundër Stoke Cityt dhe pritet të mungojë mbi një muaj.
Mbrojtësin shqiptar pritet ta zëvendësoj gjiganti gjerman Per Mertesacker, i cili është kthyer në stërvitje pas një mungese tetë mujore.
Hector Bellerin pritet të startojë prej minutës së parë për dallim kur u inkuadrua me rastin e lëndimit të Mustafit. Nuk përjashtohet mundësia që në qendër të mbrojtjes të jetë dyshja Laurent Koscielny dhe Gabriel Paulista.
Edhe Granit Xhaka pas një paraqitje të mirë kundër Stoke Cityt, megjithëse shkaktoi penalti, pritet të luajë edhe kundër Evertonit.

Everton
Ronald Koeman nuk i ka punët mirë në kampionatin anglez dhe rrezikon të shkarkohet. E gjithë kjo pasi në pesë ndeshjet e fundit skuadra e kaltër ka marrë dy pikë prej 15 të mundshmeve.
Holandezi nuk do ta ketë në dispozicion mbrojtësin boshnjak Muhamed Besic, i cili është parë si zëvendësues ideal për të transferuarin në Manchester City, John Stones. Por, Yannick Bolasie mund të paraqitet për disa minuta në fushë pasi ka kaluar lëndimin e marrë kohë më parë.

Top Lojtarët

A e dini se?
Arsenal është i pamposhtur në 14 ndeshjet e fundit në Ligën Premier.
Arsenal ka shënuar gola në dy pjesë në katër ndeshjet e fundit në të gjitha garat kundër Evertonit.
Arsenal nuk janë mposhtur në 19 nga 20 ndeshjet e fundit kundër Evertonit.
Everton është i pamposhtur në dhjetë ndeshjet e fundit në shtëpi.
Janë realizuar më pak se 2.5 gola në 7 ndeshjet e fundit kur Evertoni ka luajtur si vendas në Ligën Premier.
Arsenal ka shënuar të paktën 2 gola në 5 ndeshjet e fundit kundër Evertonit.

Lexo po ashtu Formacionet e mundshme: Everton - Arsenal (Foto)

Analiza
Arsenali është në formë të mirë ku ka shënuar 11 gola në tre ndeshjet e fundit. Ata do të kenë rastin të ngjiten në maje të Ligës Premier nëse fitojnë me dy gola epërsi kundër Evertonit.
Arsenal ka shënuar të paktën tre gola në 3 ndeshjet e fundit në Ligën Premier.
Everton do të mundohet të rikthehet te rezultatet pozitive pas pesë ndeshjeve pa fitore. Skuadra e kaltër ka shënuar pesë gola në pesë ndeshjet e fundit, ku skuadra e Godison Park ka arkëtuar vetëm dy pikë. Por, ata janë të pamposhtur si vendas në dhjetë ndeshjet e fundit në të gjitha garat.

Parashikimi: Everton 1-2 Arsenal