Pamje nga beteja e ashpër për qytetin Vovchansk në rajonin e Kharkivit

Beteja për Vovchanskun në rajonin e Kharkivit në Ukrainë është duke vazhduar. Ushtarët ukrainas të përfshirë në mbrojtjen e qytetit kanë shpërndarë pamjet nga betejat e ashpra kundër forcave pushtuese ruse.

Ushtarët ukrainas madje kanë theksuar se beteja për këtë qytet në rajoni e Kharkivit po i motivon më shumë, që të mos ndalen për asnjë moment deri në çlirimin e çdo pëllëmbe të territorit të Ukrainës, transmeton Telegrafi.

Derisa rusët po tentojnë të marrin nënë kontroll Vovchanskun, ukrainasit janë të përkushtuar ta ruajnë dhe të zmbrapsin ushtarët e Vladimir Putinit.

Lexo po ashtu Inteligjenca ushtarake ukrainase publikon pamjet e shkatërrimit të dy anijeve ruse në Krime

Është pikërisht regjimenti Cunami i ushtrisë ukrainase që është angazhuar në mbrojtjen e këtij qyteti – ku derë më derë po futen që të kontrollojnë nëse ka ushtarë rusë.

Në anën tjetër ukrainasit kanë njoftuar se në orët e para të mëngjesit të sotëm kanë shkatërruar dy luftanije ruse në Krimenë e pushtuar.

Ata i hodhën në erë me dronët ujor që ishin të mbushur me lëndë shpërthyese, dhe i goditën anijet ruse në Krimenë e pushtuar. /Telegrafi/