Pacolli uron Agim Bahtirin: E lartësove sërish AKR-në në bastionin e vet

Lideri i Aleancës Kosova e Re, Behgjet Pacolli është deklaruar pas fitores së kandidatit nga kjo parti në Mitrovicë.

Agim Bahtiri i cili udhëhoqi me Mitrovicën për katër vite pas balotazhit të djeshëm është zgjedhur sërish i pari i kësaj komune.

Me këtë rast, Pacolli ka thënë se Agim Bahtiri është shembulli më i mirë i njeriut të punës

Postimi i plotë:

Koha, dhe qytetarët e Mitrovicës i dhanë të drejtë Agimi Bahtirit.
Agimi kishte besim se do fitonte edhe i vetëm.

Agimi i zgjodhi vetë aleatët.
Agimi fitoi duke i tërhequr me zor pas vetes dhe skeptikët.
Agimi fitoi se ishte njeri i popullit, se dinte të thoshte fjalë që shkojnë në zemrën e popullit, se ka ditur të punojë.

Agim Bahtiri është shembulli më i mirë i njeriut të punës.
Në Mitrovicë, megjithëse mediat nuk duan ta shohin, janë bërë përparime të mëdha.
Edhe më shumë përparime do të ketë, nëse Qeveria do ta ndihmojë Mitrovicën.
Urime Agim, që e lartësove sërish AKR-në në bastionin e vet, Mitrovicë.

Mitrovica shumë shpejt do të jetë zemra industriale e Kosovës,një zonë themelore për zhvillimin e vendit tonë.