​Osmani: Zëri i njerëzve më pro NATO-s në botë do të dëgjohet

Presidentja Vjosa Osmani ka reaguar pasi Komisioni i Përhershëm drejtues i Asamblesë Parlamentare të NATO-s ka marrë sot vendim për të përmirësuar statusin e Kosovës në këtë organizatë.

Ajo në një postim në rrjetin social X, ka thënë se kjo do të mundësojë që zëri i popullit të Kosovës të dëgjohet.

“Komisioni i Përhershëm i NATO-s ka marrë një vendim thelbësor për të përmirësuar statusin e Kosovës në Asamblenë Parlamentare si anëtar i asociuar. Kjo do të mundësojë që zëri i njerëzve më pro NATO-s në botë të dëgjohet, ndërsa ne vazhdojmë të bëjmë hapa drejt anëtarësimit të plotë”, ka shkruar Osmani.

Komisioni i Përhershëm i Asamblesë Parlamentare të NATO-s sot në Estoni mori vendim që Kosovës t’i ngrihet statusi në nivelin e anëtarit të asociuar.

Lexo po ashtu Ministri i Mbrojtjes: Avancimi i Kosovës në Asamblenë Parlamentare të NATO-s, hap i madh për sigurinë

Për shumë vite Kosova kishte statusin e anëtarit vëzhgues. Ky vendim do të formalizohet me votim në Asamblenë parlamentare të NATO-s në sesionin pranveror të Asamblesë, që do të mbahet më 27 maj në Sofje.

Me ngritjen e nivelit të përfaqësimit në Asamblenë e NATO-s, Kosova do të ketë përfshirje më të madhe në vendimet e Asamblesë dhe do të ketë të drejtë në adresimin e amendamenteve dhe komenteve për secilin proces e dokument i cili trajtohet nga Asambleja, të cilat më herët është dashur të bëhen përmes delegacioneve të vendeve tjera, kryesisht Shqipërisë.

Together with ambassadors from allied countries in Kosovo, we honored the service and sacrifice of brave NATO soldiers–the women and men who served in our country.

In the 25th anniversary of the NATO intervention, our message remains the same: #ThankYouNATO! pic.twitter.com/9UNxPdtbzC

— Vjosa Osmani (@VjosaOsmaniPRKS) March 24, 2024