OBRM-PDUKM: Zyrtarë të lartë të BDI-së dhe LSDM-së kanë akomoduar të afërmit dhe miqtë e tyre partiakë në organet e drejtësisë dhe prokurorisë

LSDM dhe BDI kanë 7 vite në pushtet në Maqedoni, ndërsa korrupsioni ka metastazuar për 7 vjet. Këtë e tregon raporti i fundit i Transparency International, i cili e rendit Maqedoninë në nivelin e Trinidad Tobago dhe Moldavinë, përkatësisht në vendin e 76-të. Meqë ra fjala, Maqedonia me 42 pikë indeksi nuk ka shënuar pothuajse asnjë progres në vitin e kaluar, akuzojnë nga OBRM-PDUKM.

Lexo po ashtu Përparim me dy pikë, megjithatë Maqedonia e Veriut mbetet në mesin e vendeve të korruptuara

“Ajo që konstatojnë në raport është se ndryshimet në Kodin Penal krijuan pengesë në luftën efektive kundër korrupsionit. Por çfarë mund të pritet nga një qeveri e korruptuar si ajo e BDI-së dhe LSD-së, përveç pengimit të luftës kundër krimit. Atyre nuk u mjaftoi kjo, ndaj bënë një partizim dhe presion serioz në drejtësi, të cilin e çuan në vetëm 1% besimin e qytetarëve. Ky procesverbal famëkeq tregon se për të mos mbajtur përgjegjësi, zyrtarë të lartë të BDI-së dhe LSD-së kanë akomoduar të afërmit dhe miqtë e tyre partiak në gjyqësor dhe prokurori, që biznesi i tyre të “lulëzojë”.

Në fund të fundit, treguesi më i mirë i gjendjes në gjyqësor dhe në luftën kundër korrupsionit është raporti i KE-së, i cili bën një viviseksion të plotë të pushtetit kriminal të BDI-së dhe LSD-së”, thekson OBRM-PDUKM.

Nga atje thonë se në Maqedoni nuk ka qenë kurrë më keq se tani me qeverinë e BDI-së dhe SDS-së./Telegrafi/