OBRM-PDUKM me më shumë reklama në rrethin e dytë të zgjedhjeve lokale

Në rrethin e dytë të fushatës zgjedhore për zgjedhjet lokale, vëllimi më i madh i reklamimit të paguara politik është regjistruar nga koalicionin i kryesuar nga OBRM-PDUKM, rreth 26 orë, pas së cilës pasojnë koalicioni i kryesuar nga LSDM-ja me rreth 11 orë, Lëvizja Besa rreth 5 orë dhe BDI rreth katër orë, tregon monitorimi i Agjencisë për Agjencia për Shërbime Mediatike Audio dhe Audiovizuale (ASHMAA).

Nga televizionet e përfshira me monitorim, më shumë reklama janë transmetuar në TV Nova (pothuajse 12 orë) dhe në TV Sitel dhe TV Alsat-M, (rreth 5 orë). Siç kumtoi LSM, radioshpërndarësit e përfshirë me monitorim në rrethin e dytë të zgjedhjeve lokale, fushatën e kanë përfshirë me intensitet më të vogël, në përgjithësi duke tentuar që të sigurojnë kushte të barabarta për qasje deri te programet e pjesëmarrësve në zgjedhje, përcjell Telegrafi Maqedoni.

“Në dhjetë ditët e fundit të fushatës zgjedhore, shkelje e kërkesës për mbulim jo të njëanshëm të zgjedhjeve është konstatuar tek TV Alfa dhe TV Nova. Tek ta në programin e përgjithshëm konstatohet anshmëri në dobi të qëndrimeve dhe reagimeve të koalicionit të kryesuar nga OBRM-PDUKM. Në afatin e caktuar ligjor Agjencia do të parashtrojë kërkesë për ngritje të procedurave kundërvajtëse para gjykatës kompetente”, thuhet në njoftimin e ASHMAA.

Sipas ASHMAA, monitorimi i prezantimit zgjedhor medial, në lajmet e serviseve programore të RTVM-së, në rrethin e dytë të zgjedhjeve edhe një herë dëshmoi se dispozita e Kodit zgjedhor për atë se si të ndahet koha në emisionet ditore-informative është jopërkatëse për raportimin gazetaresk në servisin publik./Telegrafi/