Nusen e ‘bëri të veten’ me tre metra kub beton – kroati tregon ‘sfidën që ia kishin përgatitur familja e nuses’

Zakonet e dasmës mund të jenë shumë të pazakonta, dhe vetëm njëra prej tyre vjen nga Kroacia.

Atje, siç shkruajnë mediat e huaja, përcjell Telegrafi, dhëndri erdhi për të “marrë nusen” me, jo më pak dhe jo më shumë, se një mikser dhe tre metra kub beton.

“Zakonet në zonën tonë janë të tilla që kur dhëndri merr nusen, ai duhet të bëjë diçka për të provuar se e meritonte. Meqenëse jam i angazhuar në ndërtim, e dija që ajo do të përgatiste diçka për mua në atë drejtim”, ka thënë dhëndri Krunoslav Topolko (34) nga Krizhevci i cili erdhi për Ivanën e tij të re (28) me një mikser dhe tre metra kub beton.

Krunoslav dhe miqtë hipën në kuaj, ndërsa familja dhe miqtë e Ivanës përgatitën një “sfidë të vërtetë të dashurisë” për të – një mikser portokalli, një lopatë dhe rërë.

“Parashikimet tona dolën të ishin të sakta. Ata përgatitën gjithçka për mua për të përzier betonin me dorë. Megjithatë, ne i befasuam sepse sollëm mikserin tonë dhe unë kalova pengesën e parë për të arritur tek Ivana ime”, tha dhëndri.

Ai shton se ata kanë derdhur betonin para shtëpisë së nuses.

Megjithatë, sipas zakonit tradicional, ky nuk ishte fundi, pasi ceremonia kishte vazhduar edhe me zakone të tjera. /Telegrafi/