Numri i vdekjeve nga coronavirusi në SHBA arrin në 500,000

Numri i të vdekurve në SHBA nga coronavirusi arriti në 500,000 të dielën, një moment që nënvizon kërcënimin e madh që virusi ende paraqet edhe kur më shumë njerëz tashmë po vaksinohen.

Sipas mediave të huaja, përcjell Telegrafi, coronavirusi ka vrarë më shumë se 2,462,000 njerëz në të gjithë botën, sipas të dhënave të përpiluara nga Universiteti Johns Hopkins.

Më shumë se një e pesta e të gjitha vdekjeve në të gjithë botën kanë ndodhur në SHBA, e cila ka më pak se 5 për qind të popullsisë globale.

Numri i publikuar nga NBC News tregoi se rreth 500,700 njerëz kishin vdekur nga Covid-19 që nga mesnata e së dielës.

Më shumë se 28,206,600 raste janë konfirmuar në SHBA, sipas vlerësimit të NBC News.

Megjithatë, numri mesatar i rasteve të reja ditore ka rënë në ditët e fundit. Numri ra nën 100,000 në 12 shkurt për herë të parë në disa muaj.

Dhe ekspertët e shëndetit publik dhe zyrtarët e lartë të qeverisë kanë thënë që masat paraprake duhet të qëndrojnë për të ngadalësuar përhapjen e virusit.

“Ne jemi akoma në rreth 100,000 raste në ditë. Ne jemi akoma në rreth 1,500 deri në 3,500 vdekje në ditë. Rastet janë më shumë se dy herë më shumë sesa kemi parë gjatë verës”, Dr. Rochelle Walensky, drejtori i Qendrave për Kontrolli dhe Parandalimi i Sëmundjeve. /Telegrafi/