‘Nuk mund të jemi të parët duke bërë gabime’ – Ten Hag analizon humbjen nga Arsenali

Erik ten Hag ka paralajmëruat se gabimet do t’i kushtojnë Manchester Unitedit në përpjekjet për ta kryesuar tabelën e Ligës Premier.

Djajtë e Kuq zhvilluan një ndeshjen dramatike ndaj Arsenalit, të cilën e humbën me rezultat 3-2.

Unitedi është skuadra e vetme që u ka mposhtur Topçinjtë këtë edicion në Ligën Premier në sfidën e parë në Old Trafford, por nuk ia dolën ta përsëritnin fitoren edhe në Emirates Stadium.

“Ishte një ndeshje e shkëlqyer me shumë tempo, ndërsa publiku është fituesi i madh. Dy top skuadra, por padyshim që jemi të zhgënjyer, pasi e humbën këtë sfidë në fazat e vonshme”.

Lexo po ashtu Arsenali fiton derbin spektakloar ndaj Manchester United në fortesën e pathyeshme "Emirates"

“Të gjithë golat që i pranuam sot (e diel) ishin nga gabimet – nuk duhet të ndodhë kjo… Të tre golat, kemi mundur t’i shmangim”.

“Bëmë gabime që nuk duhet t’i bëjmë. Kjo ndeshje u vendos nga detajet e vogla, por që ishin vendimtare. Është vështirë të pranohet dhe duhet të mësojmë nga kjo. Unë dua të fitoj. Nuk është mirë sa duhet. Duam të jemi numër një, por nuk do të jemi nëse bëjmë gabime. Kjo është e qartë dhe këtë ua kam thënë”, ka deklaruar Ten Hag për BBC Sport. /Telegrafi/