Nuk ka energji elektrike, ujë apo karburant për Gazën derisa të lirohen pengjet izraelite

Ministri i Energjisë i Izraelit, Israel Katz, thotë se rrethimi i Gazës nuk do të përfundojë derisa të lirohen pengjet izraelite.

Në një mesazh në mediat sociale, Israel Katz tha se nuk do të ketë energji elektrike, ujë dhe gazë për palestinezët deri sa mbahen pengje qytetarët izraelitë.

Lexo po ashtu Shumë viktima, të plagosur, pengje dhe të zhvendosur - gjithçka ndodhi në 33 ditë, që nga fillimi i luftimeve izraelito-palestineze më 7 tetor

“Ndihma humanitare për Gazën? Asnjë çelës elektrik nuk do të aktivizohet, asnjë hidrant uji nuk do të hapet dhe asnjë kamion me karburant nuk do të hyjë derisa të rrëmbyerit izraelitë të kthehen në shtëpi. Humanizëm për humanizëm. Askush mos të na predikojë moral”, shkroi ai në platformën X.

סיוע הומניטרי לעזה? אף מתג חשמל לא יורם, שיבר מים לא יפתח ומשאית דלק לא תיכנס עד להשבת החטופים הישראלים הביתה. הומניטרי תמורת הומניטרי. ושאף אחד לא יטיף לנו מוסר.

— ישראל כ”ץ Israel Katz (@Israel_katz) October 12, 2023

Izraeli ndaloi furnizimet për Rripin e Gazës pas sulmeve të së shtunës të Hamasit.

Kujtojmë se militantët e Hamasit kanë nis një sulm të papritur në Izrael duke shkaktuar viktima të shumta.

Ndryshe, Izraeli po përgatitet që të nis një sulm tokësor për të rimarrë kontrollin e Gazës. /Telegrafi/