Nuk i besoni profesionet e futbollistëve kroatë nëse nuk do ishin yje të futbollit

Kombëtarja e Kroacisë është shndërruar në një atraksion më vete në Euro 2016, ku ata kanë arritur që të tërheqin vëmendjen dhe të marrin zemrat e të gjithëve.

Kroacia pritet të jetë edhe kombëtara e dytë favorite e shqiptarëve në Euro 2016 për shkak të përkrahjes ndër-shtetërore ndër vite.

Lojtarët e Kroacisë rrëfime të tyre për faqen zyrtare të FIFA-s, shkruan Telegrafi, kanë treguar për profesionet e tyre nëse nuk do të ishin futbollistë.

Luka Modric – Kamarier/pronar kafiterie
Njeriu i cili është specialist për të krijuar raste për sulmuesit dhe për t’ua servuar topat si në pjatë, ka bërë praktikë për të punuar si kamarier në brigjet e Dalmacisë, ku ai ka pasur plan të hapë edhe një kafiteri. Vedran Corluka, Lovre, Kalinic dhe Duje Cop po ashtu kanë pasur praktikë të njëjtë.
“Falë Zotit fillova të luaj futboll”, thotë Modric.

Mario Mandzukic – Mjeshtër qeramike
Sulmuesi i Juventusit ka studiuar punën me qeramikë, vetëm pse ishte afër shtëpisë së tij. Nëse nuk do të ishte yll i futbollit, ai do të mund të bëhej mjeshtër i madh dhe ndërtimtar me qeramikë në regjionin e Sllavonisë.

Ivan Rakitic – Ndërtimtar
Duket vështirë e besueshme për të duke parë masën trupore dhe flokët e tij bjond, por Rakitic i cili u lind në Zvicër ka mësuar ndërtimtarinë.

Darijo Srna – Elektricist
Kapiteni i Kroacisë është elektricist ekspert, i cili ka studiuar për këtë në shkollën elektro-teknike në qytetin e tij në Metkovic. Ai pritej të bëhej më i njohuri në këtë lëmi, para se të kyçej seriozisht në futboll.

Sime Vrsajlko – Shofer kamionësh
Ai kishte dy rrugë – të bëhej shofer i kamionëve, gjë për të cilën u trajnua në shkollën teknike të transportit – apo të zgjedhë futbollin. Me Vrsajlkon i cili tash është në Sassuolo dhe po lidhet me kalime te Napoli dhe Atletico Madrid, duket se ai ka bërë zgjedhjen e duhur.

Ante Cacic – Bizenesmen
Trajneri tashmë e ka bërë këtë. Në vitet 1980, para se të fillonte karrierën e trajnerit, ai me sukses udhëhoqi një biznes të reparimeve elektrike në qendër të Zagrebit, e cila riparonte televizora dhe radio. Tash ai drejton kombëtaren e Kroacisë në Euro 2016 drejt një ëndrre për gjithë kombin e tij.

Ju lexues të nderuar që nuk keni ndjekur ëndrrën e futbollit, me çfarë profesione merreni tani dhe a jeni penduar që nuk keni ndjekur ëndrrën tuaj?

/Telegrafi/