BE njofton 500 milionë euro ndihmë të re ushtarake për Ukrainën

Ishte paralajmëruar më herët, dhe tani është e miratuar.

Bëhet fjalë për një ndihmë e re ushtarake prej 500 milionë eurosh për Ukrainën që është miratuar nga Këshilli Evropian.

“BE-ja po rrit më tej mbështetjen e saj për Ukrainën për të mbrojtur sovranitetin dhe integritetin territorial brenda kufijve të saj të njohur ndërkombëtarisht të vendit të tyre dhe për të mbrojtur popullsinë civile kundër luftës së vazhdueshme ruse të agresionit”, është thënë në një deklaratë, përcjell Telegrafi.

Shefi për marrëdhënie me jashtë i bllokut, Josep Borrell, tha se financimi shtesë ishte “një tjetër provë se ne mbetemi të palëkundur në mbështetjen tonë ndaj forcave të armatosura ukrainase për të mbrojtur vendin kundër agresionit të paligjshëm në rritje”.

Ai shtoi: “Sulmet e fundit pa dallim të Rusisë ndaj civilëve ukrainas dhe infrastrukturës civile janë një tjetër dëshmi e mosrespektimit të plotë nga Rusia për të drejtat e njeriut dhe ligjin ndërkombëtar”.

“BE do të vazhdojë të mbështesë Ukrainën për aq kohë sa të jetë e nevojshme”. /Telegrafi/