Nisma njofton se ka shkarkuar kryetarin e degës në Therandë, i cili iu bashkua PDK-së

Nisma Socialdemokrate ka njoftuar se dy ditë më parë kanë liruar nga detyra ish kryetarin e degës, Sami Hajdaraj.

Përmes një postimi në Facebook, Nisma ka deklaruar se këtë shkarkim e ka bërë për shkak të neglizhencës në çështjet organizative të degës dhe për shkak të pazareve politike.

“Ftojmë përkrahësit tonë në këtë qytet që të mos bien pre e shantazheve dhe presioneve të pazargjinjve, por të vazhdojnë aktivitetin e tyre në funksion të mbështetjes së projektit tonë për mbrojtjen e vlerave kombëtare”, thuhet në njoftimin e Nismës.

Lexo po ashtu Kryetari i degës së Nismës Socialdemokrate në Suharekë kalon në PDK

Ndryshe, gjatë ditës së sotme, kandidati për kryeministër nga PDK, Enver Hoxhaj, përmes një statusi në Facebook ka treguar se Sami Hajdaraj, kryetari i NISMA-s iu është bashkangjitur PDK-së.

Postimi i plotë:

Njoftojmë opinionin publik se me propozim të degës së Nismës Socialdemokrate në Therandë, NISMA para dy dite e ka liruar nga detyra, ish kryetarin e degës, Sami Hajdaraj, për shkak të neglizhencës në çështjet organizative të degës dhe për shkak të pazareve politike.

Ftojmë përkrahësit tonë në këtë qytet që të mos bien pre e shantazheve dhe presioneve të pazargjinjve, por të vazhdojnë aktivitetin e tyre në funksion të mbështetjes së projektit tonë për mbrojtjen e vlerave kombëtare.

Ju bëjmë thirrje të gjitha strukturave dhe simpatizantëve të Nismës në Therandë, që të mobilizohen fuqishëm drejt qëllimit tonë të përbashkët në zgjedhjet e 14 shkurtit. /Telegrafi/