“Nëse votoni jo, nuk do të llogaritet”, thotë një qytetar që refuzoi ‘referendumin’ rus në Kherson

Një banor i Khersonit, qyteti më i madh në Ukrainën jugore aktualisht nën pushtimin ushtarak rus, ka folur për referendumet e paligjshme të organizuara nga Rusia.

Ai thotë se nuk dëshiron të bashkohet me Rusinë, por është i vetëdijshëm për pasojat e votimit jo.

Kur u pyet nëse do të mundohej të votonte, ai tha për BBC se “Në asnjë mënyrë. Edhe nëse votoni kundër, nuk luan ndonjë rol – rezultatet tashmë janë të ditura”.

Lexo po ashtu Dita e parë e "referendumit" në rajonin e Donetskut: Qytetarët po refuzojnë të votojnë, goditje e madhe për Putinin

Ai thotë se nuk i dëshiron të zbardhë të dhënat – pasi ata mund t’i përdorin ato për qëllime të tjera, siç është “mobilizimi i pjesshëm i popullsisë vendase”.

“Unë mendoj, por nga rrethi im do të jetë rreth 3 për qind që do të mbështesin Rusinë”, shtoi ai.

Ai vazhdoi duke thënë se “Njerëzit kanë qëndruar këtu për më shumë se gjysmë viti tashmë në okupimin rus dhe tani ne po kërkojmë dëshpërimisht një rrugëdalje”.

Ndryshe, në rajonin e Donetskut, pjesëmarrja të premten ishte 23.6 për qind. Më shumë se 20.5 për qind e votuesve me të drejtë vote në rajonin e Zaporizhzhia dhe 15 për qind në rajonin Kherson hodhën votat e tyre të premten, njoftoi agjencia ruse e lajmeve Interfax, duke cituar zyrtarë të zgjedhjeve lokale. /Telegrafi/